ନୂଆଦିଲ୍ଲୀ: ପୂର୍ବତନ ପାକିସ୍ତାନୀ ଅମ୍ପାୟାର ଅସଦ ରୌଫଙ୍କ ଦେହାନ୍ତ । ମୃତ୍ୟୁବେଳକୁ ତାଙ୍କୁ ୬୬ ବର୍ଷ ବୟସ ହୋଇଥିଲା । ଲାହୋରରେ ହୃଦଘାତରେ ତାଙ୍କର ଦେହାନ୍ତ ହୋଇଥିବା ଜଣାପଡିଛି । ବର୍ଷ ୨୦୦୦ରେ ରୌଫ, ଅନ୍ତର୍ଜାତୀୟ କ୍ରିକେଟରେ ପ୍ରଥମ ଅମ୍ପାୟାରିଂ କରିଥିଲେ । ସେ ୬୪ଟି ଟେଷ୍ଟ ମ୍ୟାଚ୍(ଫିଲ୍ଡ ଅମ୍ପାୟର ଭାବେ ୪୯ ଓ TV ଅମ୍ପାୟାର ଭାବେ ୧୫), ୧୩୯ଟି ଅନ୍ତର୍ଜାତୀୟ ଦିନିକିଆ ମ୍ୟାଚ୍ ଓ ୨୮ଟି ଅନ୍ତର୍ଜାତୀୟ ଟି୨୦ ମ୍ୟାଚ୍ ପରିଚାଳନା କରିଥିଲେ । ବର୍ଷ ୨୦୦୦ ସୁଦ୍ଧା ସେ ପାକିସ୍ତାନର ଅନ୍ୟତମ ଅଗ୍ରଣୀ ଅମ୍ପାୟର ଥିଲେ ।
-
The PCB expresses its grief on the demise of former first-class cricketer and elite panel umpire Asad Rauf. Asad played 71 first-class matches and umpired in 170 international matches, including 2007 and 2011 World Cups matches. pic.twitter.com/hGXVI8XL4U
— Pakistan Cricket (@TheRealPCB) September 15, 2022 " class="align-text-top noRightClick twitterSection" data="
">The PCB expresses its grief on the demise of former first-class cricketer and elite panel umpire Asad Rauf. Asad played 71 first-class matches and umpired in 170 international matches, including 2007 and 2011 World Cups matches. pic.twitter.com/hGXVI8XL4U
— Pakistan Cricket (@TheRealPCB) September 15, 2022The PCB expresses its grief on the demise of former first-class cricketer and elite panel umpire Asad Rauf. Asad played 71 first-class matches and umpired in 170 international matches, including 2007 and 2011 World Cups matches. pic.twitter.com/hGXVI8XL4U
— Pakistan Cricket (@TheRealPCB) September 15, 2022
ମିଡିଆ ରିପୋର୍ଟ ଅନୁଯାୟୀ, ବୁଧବାର ରାତିରେ ରୌଫ୍ ନିଜ ଦୋକାନରୁ ଫେରିବା ପରେ ହୃଦଘାତର ଶିକାର ହୋଇଥିଲେ । ରୌଫଙ୍କ ଦେହାନ୍ତରେ ପାକିସ୍ତାନ କ୍ରିକେଟ ବୋର୍ଡ ଅଧ୍ୟକ୍ଷ ରମିଜ ରାଜା ଟ୍ବିଟ୍ କରି ଗଭୀର ଶୋକବ୍ୟକ୍ତ କରିଛନ୍ତି । ଟ୍ବିଟ୍ରେ ରମିଜ ଲେଖିଛନ୍ତି,"ରୌଫ କେବଳ ଜଣେ ଭଲ ଅମ୍ପାୟାର ନଥିଲେ ବରଂ ଜଣେ ଭଲ ମଣିଷ ଥିଲେ । ସର୍ବଦା ହସ ହସ ମୁହଁରେ ସେ ତାଙ୍କର କାର୍ଯ୍ୟ କରିଥାନ୍ତି ।"
ରୌଫ୍ ନିଜର ଅମ୍ପାୟାରିଂ କ୍ୟାରିୟର ଆରମ୍ଭ କରିବା ପୂର୍ବରୁ ନ୍ୟାସନାଲ ବ୍ୟାଙ୍କ୍ ଓ ରେଲୱେ ପାଇଁ ୭୧ଟି ପ୍ରଥମ ଶ୍ରେଣୀ ମ୍ୟାଚ୍ ମଧ୍ୟ ଖେଳିଛନ୍ତି । ବର୍ଷ ୨୦୦୬ ଏପ୍ରିଲରେ ସେ ICC ଏଲିଟ ପ୍ୟାନେଲରେ ନିଯୁକ୍ତ ହୋଇଥିଲେ । ଅଲିମ ଦାରଙ୍କ ସହିତ ସେ ପାକିସ୍ତାନର ଜଣେ ପ୍ରତିଷ୍ଠିତ ଅମ୍ପାୟାର ରହିଥିଲେ । ତେବେ ବର୍ଷ ୨୦୧୩ରେ IPL ସ୍ପଟ୍ ଫିକ୍ସିଂ ସ୍କାଣ୍ଡାଲରେ ତାଙ୍କର ନାମ ଆସିବା ପରେ, ମୁମ୍ବାଇ ପୋଲିସ ତାଙ୍କୁ ଅନ୍ୟତମ ଅଭିଯୁକ୍ତ ଦର୍ଶାଇଥିଲା । ଆଇପିଏଲର ଏହି ସଂସ୍କରଣରେ ସେ ଅମ୍ପାୟାରିଂ କରିଥିଲେ । ଏହାପରେ ତାଙ୍କର ଅମ୍ପାୟାରିଂ କ୍ୟାରିୟରର ଗ୍ରାଫ୍ ତଳକୁ ଖସିଥିଲା ।
IPL ସଂସ୍କରଣର ଅଧାରୁ ସେ ଭାରତ ଛାଡିଥିଲେ ଓ ଚମ୍ପିଆନ୍ସ ଟ୍ରଫିରୁ ଓହରି ଯାଇଥିଲେ । ପରେ ICC ଏଲିଟ ପ୍ୟାନେଲ୍ରୁ ସେ ବାଦ୍ ପଡିଥିଲେ । ବର୍ଷ ୨୦୧୬ରେ ଦୁର୍ନୀତି ଓ ପରିଚାଳନାରେ ଅନିୟମିତତା ଯୋଗୁଁ BCCI ତାଙ୍କୁ ୫ ବର୍ଷ ପାଇଁ ବାସନ୍ଦ କରିଥିଲା ।