ନୂଆଦିଲ୍ଲୀ: ବିଶ୍ୱକପରେ ଅମ୍ବାତି ରାୟଡୁଙ୍କ ସ୍ଥାନରେ ବିଜୟ ଶଙ୍କର ନାଁ ଘୋଷଣା ହେବା ପରେ ବିଶ୍ବକପ୍ ଦେଖିବା ପାଇଁ 3-ଡି ଚଷମା ଅର୍ଡର କରିଛନ୍ତି ଅମ୍ବାତି ରାଇଡୁ। 33 ବର୍ଷୀୟ ରାଇଡୁଙ୍କ ସ୍ଥାନରେ ଅଲରାଉଣ୍ଡର ଶଙ୍କରଙ୍କୁ ପ୍ରାଧାନ୍ୟ ଦେଇଛି ବିସିସିଆଇ। ତେବେ ସୋମବାର ଦଳ ଘୋଷଣା ପରେ ମଙ୍ଗଳବାର ଟ୍ୱିଟ କରି ରାଇଡୁ ଲେଖିଛନ୍ତି ‘‘ହଳେ 3-ଡି ଚଷମା କିଣିଛି ବିଶ୍ୱକପ୍ ଦେଖିବି ବୋଲି (just orderd a pair of 3d glasses to watch the world cup)।’’
-
Just Ordered a new set of 3d glasses to watch the world cup 😉😋..
— Ambati Rayudu (@RayuduAmbati) April 16, 2019 " class="align-text-top noRightClick twitterSection" data="
">Just Ordered a new set of 3d glasses to watch the world cup 😉😋..
— Ambati Rayudu (@RayuduAmbati) April 16, 2019Just Ordered a new set of 3d glasses to watch the world cup 😉😋..
— Ambati Rayudu (@RayuduAmbati) April 16, 2019
କିଛିମାସ ତଳେ ଅଧିନାୟକ କୋହଲି ରାଇଡୁଙ୍କୁ ଚାରି ନମ୍ବର ବ୍ୟାଟ୍ସମ୍ୟାନ ଭାବେ ଖେଳାଇବା ପାଇଁ ଏକପ୍ରକାର ନିଶ୍ଚିତ ଥିବା ବେଳେ ଦଳ ଘୋଷଣା ପରେ ନିରାଶ ହୋଇଛନ୍ତି ରାୟଡୁ।
ସେପଟେ ରାଇଡୁଙ୍କ ବାଦ ପଡିବା ନେଇ ଚୟନକମିଟି ମୁଖ୍ୟ ଏମଏସକେ ପ୍ରସାଦ କହିଛନ୍ତି ଯେ ‘‘ରାୟଡୁଙ୍କୁ ଅନେକ ସୁଯୋଗ ଦିଆଗଲା, କିନ୍ତୁ ସେ ନିଜକୁ ପ୍ରମାଣିତ କରିବାରେ ସେତେଟା ସଫଳ ହୋଇ ପାରିଲେ ନାହିଁ। ତେବେ ବିଜୟ ଶଙ୍କରଙ୍କ ପାଖରେ ତିନୋଟି ଯାକ କ୍ଷେତ୍ରରେ ଦକ୍ଷତା ରହିଛି। ସେ ବ୍ୟାଟିଂ କରି ପାରିବେ, ବୋଲିଂ କରି ପାରିବେ, ସେ ଜଣେ ଭଲ ଫିଲ୍ଡର ମଧ୍ୟ, ତେଣୁ ଶଙ୍କରଙ୍କୁ ଆମେ 4 ନମ୍ବରରେ ଖେଳାଇବା ନେଇ ଚିନ୍ତା କରିଛୁ।’’
5 ମ୍ୟାଚ ବିପକ୍ଷ ଅଷ୍ଟ୍ରେଲିଆ ସିରିଜରେ ତିନୋଟି ମ୍ୟାଚରେ ଦୁର୍ବଳ ପ୍ରଦର୍ଶନ ପାଇଁ ବୋଧହୁଏ ରାଇଡୁଙ୍କୁ ଇଂଲଣ୍ଡ ଟିକେଟ ମିଳିଲା ନାହିଁ। ଆଇପିଏଲରେ ମଧ୍ୟ ରାଇଡୁ ସେତେଟା ଭଲ ପ୍ରଦର୍ଶନ କରି ପାରି ନାହାନ୍ତି ଯେମିତି ସେ କରିବାକୁ ଚାହୁଁଛନ୍ତି। କିଛିଟା ମ୍ୟାଚରେ ଭଲ ପ୍ରଦର୍ଶନ କରିଥିଲେ ମଧ୍ୟ, ତାହା ରାଇଡୁଙ୍କୁ ବିଶ୍ବକପ ଟିକେଟ ଦେବା ପାଇଁ ଯଥେଷ୍ଟ ହେଲା ନାହିଁ।
