ମୁମ୍ବାଇ: ଟିମ ଇଣ୍ଡିଆ କ୍ୟାପଟେନ ବିରାଟ କୋହଲି ଚଳିତ ପ୍ରୋ କବାଡି ଲିଗର ସ୍ବତନ୍ତ୍ର ଅତିଥି ଭାବେ ଯୋଗଦେଇଥିଲେ । ୟୁ ମୁମ୍ବା ଓ ପୁନେରି ପଲଟନ ମଧ୍ୟରେ ମ୍ୟାଚ ଖେଳାଯାଇଥିଲା । ତେବେ ମ୍ୟାଚ ଆରମ୍ଭ ପୂର୍ବରୁ କୋହଲି ଜାତୀୟ ସଂଗୀତ ଗାନ କରିଥିଲେ । ଏହାକୁ ଭାରତୀୟ ଫ୍ୟାନ୍ସ ଖୁବ ପ୍ରଶଂସା କରିଛନ୍ତି ।
କବାଡି ପ୍ରତି ତାଙ୍କର ଦୁର୍ବଳତା ରହିଥିବା ନେଇ କୋହଲି କହିଥିଲେ । ଏହାସହ ପିଲାବେଳେ ଖେଳୁଥିବା ଏହି ଭାରତୀୟ ଖେଳ, କିପରି ଏତେ ଶୀଘ୍ର ବିଶ୍ବସ୍ତରୀୟ ଟୁର୍ଣ୍ଣାମେଣ୍ଟ ହୋଇଛି ମଧ୍ୟ କହିଥିଲେ । ବିଶ୍ବରେ ଭାରତୀୟ କବାଡି ଦଳ ସର୍ବଶ୍ରେଷ୍ଠ ବୋଲି କୋହଲି କହିଛନ୍ତି । ପ୍ରୋ କବାଡି ଲିଗରେ ବିଶ୍ବର କୋଣ ଅନୁକୋଣରୁ ଖେଳାଳିମାନେ ଆସି ଖେଳୁଛନ୍ତି । ଏ ଟୁର୍ଣ୍ଣାମେଣ୍ଟର ସବୁଠୁ ବଡ ସଫଳତା ।
