ଲଣ୍ଡନ: ଗୁରୁବାର ଆରମ୍ଭ ହୋଇଛି ବିଶ୍ବକପ ପାଇଁ ବିଶ୍ବଯୁଦ୍ଧ । 10 ଦେଶ ପ୍ରସ୍ତୁତ ହୋଇ ସାରିଛନ୍ତି ପରସ୍ପର ସହ ମୁକାବିଲା ପାଇଁ । ତେବେ ଗୁରୁବାର ଉଦ୍ଘାଟନୀ ମ୍ୟାଚରେ ମୁହାଁ ମୁହିଁ ହୋଇଥିଲେ ଇଂଲଣ୍ଡ ଓ ଦକ୍ଷିଣ ଆଫ୍ରିକା । ଉଭୟ ଟିମ ପାଇଁ ଷ୍ଟାଡିୟମକୁ ଛୁଟିଥିଲା ପ୍ରଶଂସକଙ୍କ ସୁଅ । ନିଜ ଟିମ ପାଇଁ ଚିୟର କରିବା ପାଇଁ ଭିଡ ଜମାଇଥିଲେ ଫ୍ୟାନ୍ସ । ଇତି ମଧ୍ୟରେ କିନ୍ତୁ ଷ୍ଟାଡିୟମ ବାହାରେ ଦେଖିବାକୁ ମିଳିଥିଲେ ଦୁଇଜଣ କୁନି ପ୍ରଶଂସକଙ୍କୁ । ସେମାନେ କିନ୍ତୁ ଇଂଲଣ୍ଡ କିମ୍ବା ଦକ୍ଷିଣ ଆଫ୍ରିକା ପାଇଁ ଆସିନଥିଲେ । ଏଇ କୁନି ଫ୍ୟାନ ଦୁଇଜଣ ଥିଲେ ଧୋନିଙ୍କ ଫ୍ୟାନ ।
ଦେଶ ବିଦେଶରେ ଧୋନିଙ୍କର ଅନେକ ଫ୍ୟାନ୍ସ ରହିଛନ୍ତି । ଭାରତ ସହ ବିଦେଶରେ ବି ଏବେ ମାହି ମାନିଆଁ । ଗୁରୁବାର ମ୍ୟାଚରେ ଆଇପିଏଲ ଟିମ ଚେନ୍ନାଇ ସୁପର କିଙ୍ଗ୍ସର ଜର୍ସି ପିନ୍ଧି ଇଂଲଣ୍ଡର ଦୁଇ ଜଣ ଶିଶୁଙ୍କୁ ଦେଖିବାକୁ ମିଳିଥିଲା ଷ୍ଟାଡିୟମ ବାହାରେ । ଖାଲି ସେତିକି ନୁହେଁ ଧୋନିଙ୍କ ନାଁ ଲେଖାଯାଇଥିବା 7 ନମ୍ବରର ଜର୍ସି ପିନ୍ଧିଥିଲେ ଧୋନିଙ୍କ ଦୁଇ କୁନି ଫ୍ୟାନ । ତେବେ ଏଥିରୁ ସ୍ପଷ୍ଟ ଯେ ଧୋନି ଛୋଟ ପିଲାଙ୍କ ଠାରୁ ଆରମ୍ଭ କରି ଯୁବକ ଓ ବୃଦ୍ଧ ସଭିଙ୍କ ପ୍ରିୟ ଖେଳାଳି ।
