ହାଇଦ୍ରାବାଦ: ଭାରତ ପାକିସ୍ତାନ ମ୍ୟାଚକୁ ଉତ୍କାଣ୍ଠାର ସହ ଅପେକ୍ଷା କରିଛନ୍ତି ଦୁଇ ଦେଶର କ୍ରିକେଟ ପ୍ରେମୀ । ଟିମ ଇଣ୍ଡିଆର ପୂର୍ବତନ କ୍ୟାପଟେନ ମହେନ୍ଦ୍ର ସିଂହଙ୍କ ଅଗଣିତ ପ୍ରଶଂସକ କରିଛନ୍ତି । ତେବେ ଧୋନିଙ୍କ ପାକିସ୍ତାନି ପ୍ରଶଂସକ ମହମ୍ମଦ ବାସିରଙ୍କ କଥା ନିଆାରା ।
ଭାରତ ପାକିସ୍ତାନ ମ୍ୟାଚର ଟିକେଟ ପାଇବା ପାଇଁ ଅନେକଙ୍କୁ ନୟାନ୍ତ ହେବାକୁ ପଡିଛି । କିନ୍ତୁ ଧୋନୀଙ୍କ ଫ୍ୟାନ ମହମ୍ମଦ ବାସିର ଓରଫ ଚାଚା ଚିକାଗୋଙ୍କୁ ଟିକେଟ ପାଇଁ କଷ୍ଟ କରିବାକୁ ପଡିବନି ବୋଲି ସେ କହିଛନ୍ତି । ଧୋନୀ ତାଙ୍କୁ ମ୍ୟାଚର ଟିକେଟ ଦେବେ ବୋଲି ଆଶାବାଦୀ ଅଛନ୍ତି । ପ୍ରଥମ ବଲ ପଡିବା ପୂର୍ବରୁ ସେ ଟିକେଟ ପାଇଯିବେ ବୋଲି ସେ କହିଛନ୍ତି ।
ଚାଚା କହିଛନ୍ତି ଯେ ଭାରତ ପାକିସ୍ତାନ ମ୍ୟାଚର ଟିକେଟ 800-900ପାଉଣ୍ଡ(ଭାରତୀୟ ଟଂକାରେ ପାଖାପାଖି 80,000)ମୂଲ୍ୟରେ ଲୋକମାନେ ନେବାକୁ ରାଜି ଅଛନ୍ତି । ଚାଚାଙ୍କର ଚିକାଗୋରେ ଏକ ରେଷ୍ଟୁରାଣ୍ଟ ରହିଛି । ସେ ଆମେରିକାର ପାସପୋର୍ଟ ହାସଲକାରୀ ବୋଲି କହିଛନ୍ତି ।
ଧୋନୀଙ୍କୁ ହୃଦୟର ସହ ଭଲପାଆନ୍ତି ଚାଚା ଚିକାଗୋ । 2011 ବିଶ୍ବକପ ସେମିଫାଇନାଲ ରେ ଭାରତ ପାକିସ୍ତାନ ମୁହାଁମୁହିଁ ହୋଇଥିଲେ । ସେବେ ଧୋନୀ ଚାଚା ଚିକାଗୋ ତାଙ୍କର ଜଣେ ବଡ ପ୍ରଶଂସକ ବୋଲି ଜାଣିପାରିଥିଲେ । ସେବେଠାରୁ ଧୋନୀ ତାଙ୍କୁ ଭାରତ ପାକିସ୍ତାନ ମ୍ୟାଚର ଟିକେଟ ଦେଇଆସୁଛନ୍ତି । ଭାରତ ପାକିସ୍ତାନ ମଧ୍ୟର ହୋଇଥିବା ସବୁ ମ୍ୟାଚରେ ସେ ଷ୍ଟାଡିୟମକୁ ମ୍ୟାଚ ଦେଖିବାକୁ ଆସନ୍ତି । ଧୋନୀ ତାଙ୍କୁ ମ୍ୟାଚର ଟିକେଟ ପ୍ରଦାନ କରିଥାନ୍ତି ।
