ବିଶ୍ବକପ: ବାବର ଆଜମ ଆଉଟ, କାନ୍ଦୁଛି ପାକିସ୍ତାନ ହସୁଛି ଆଫଗାନ

ବିଶ୍ବକପ ଲଢେଇରେ ଆଫଗାନିସ୍ତାନ-ପାକିସ୍ତାନ ମ୍ୟାଚ ରୋମାଞ୍ଚକର ହେବାକୁ ଯାଉଛି । ଇମାମ-ଉଲ-ହକ ଓ ଇନଫର୍ମ ବାବାର ଆଜମଙ୍କ ୱିକେଟ ନେଇ ପାକିସ୍ତାନଙ୍କୁ ଡବଲ ଝଟକା ଦେଇଛନ୍ତି ନବି ।

ଲଣ୍ଡନ: ବିଶ୍ବକପ ଲଢେଇରେ ଆଫଗାନିସ୍ତାନ-ପାକିସ୍ତାନ ମ୍ୟାଚ ରୋମାଞ୍ଚକର ହେବାକୁ ଯାଉଛି । ପ୍ରଥମେ ବ୍ୟାଟିଂ କରି ଆଫଗାନିସ୍ତାନ 228 ରନର ଟାର୍ଗେଟ ରଖିଥିଲା । ପରେ ବୋଲିଂରେ ପ୍ରଥମରୁ ଆଟାକିଂ ମୁଡ୍ ରଖିଥିଲା ଆଫଗାନ । ପ୍ରଥମ ଓଭରର 2ୟ ବଲରେ ଖାତା ଖୋଲିବା ପୂର୍ବରୁ ଫକର ଜମନଙ୍କୁ ଆଉଟ କରିଥିଲେ ମୁଜିବ ।

ଫଟୋ ସୌଜନ୍ୟ: ସୋସିଆଲ ମିଡିଆ(twitter@cricketworldcup)

ପରେ ଇମାମ-ଉଲ-ହକ ଓ ଇନଫର୍ମ ବାବର ଆଜମଙ୍କ ୱିକେଟ ନେଇ ପାକିସ୍ତାନଙ୍କୁ ଡବଲ ଝଟକା ଦେଇଛନ୍ତି ନବି । ଫଳରେ ସଂକଟରେ ପଡିଯାଇଛି ପାକିସ୍ତାନ । ଆଜିର ମ୍ୟାଚରେ ପରାଜିତ ହେଲେ ପାକିସ୍ତାନର ସେମିଫାଇନାଲ ଆଶା ଚୁରମାର ହୋଇପାରେ ।