ଲଣ୍ଡନ: ଚଳିତ ବିଶ୍ବକପର ସେମିଫାଇନାଲ ଦ୍ବାରଦେଶରେ ପହଞ୍ଚିସାରିଛି ଟିମ ଇଣ୍ଡିଆ । ରବିବାର ଘରୋଇ ଇଂଲଣ୍ଡ ବିପକ୍ଷରେ ଭାରତର ମ୍ୟାଚ ରହିଛି । ଏହି ମ୍ୟାଚ ପୂର୍ବରୁ କ୍ୟାପଟେନ କୋହଲି ସାମ୍ବାଦିକ ସମ୍ମିଳନୀରେ ଦଳର ପକ୍ଷ ରଖିଛନ୍ତି ।
କୋହଲି ସ୍ପଷ୍ଟ ଭାବେ ଧୋନିଙ୍କୁ ଟିମ ଇଣ୍ଡିଆର ରକ୍ଷା କବଚ କହିଛନ୍ତି । ଧୋନିଙ୍କୁ ଭଲଭାବେ ଜଣା ତାଙ୍କୁ କଣ କରିବାକୁ ହେବ । ଦଳ ପାଇଁ କଣ ଆବଶ୍ୟକ ଓ କେଉଁ ପରିସ୍ଥିତିରେ କିପରି ଖେଳିବାକୁ ହେବ ସେ କଥା ଧୋନିଙ୍କୁ ଭଲଭାବେ ଜଣା । କେଉଁ ପରିସ୍ଥିତିରେ କିପରି ଖେଳିବାକୁ ହେବ ଧୋନିଙ୍କୁ କହିବାର ଆବଶ୍ୟକତା ନାହିଁ । ଧୋନିଙ୍କ ପରି ଏମିତି ଜଣେ ଖେଳାଳିଙ୍କୁ ମୁଁ ଦେଖିନାହିଁ । ଯାହାଙ୍କୁ କଣ ଆବଶ୍ୟକ କହିବାକୁ ପଡେନି ବୋଲି କହିଛନ୍ତି କୋହଲି ।
ତାଙ୍କ ଉପରେ ଆମର ସମ୍ପୂର୍ଣ୍ଣ ବିଶ୍ବାସ ରହିଛି । ଦଳ ପାଇଁ ଏକାକି ଅନେକବାର ସେ ପ୍ରାଚୀର ହୋଇ ଛିଡା ହୋଇଛନ୍ତି । ଧୋନିଙ୍କ ଚଳିତ ବର୍ଷର ପ୍ରଦର୍ଶନ ଦମଦାର ରହିଛି । ସବୁ ମ୍ୟାଚରେ ଯେ ସବୁ ବ୍ୟାଟ୍ସମ୍ୟାନ ରନ ସ୍କୋର କରିବେ ଏହା ସମ୍ଭବ ନୁହେଁ । ଗୋଟଏ 2ଟି ମ୍ୟାଚର ପ୍ରଦର୍ଶନକୁ ନେଇ ଆଲୋଚନା କରିବା ଠିକ ନୁହେଁ । ଡ୍ରେସିଂରୁମ ବାହାରେ କଣ ଘଟୁଛି ଆମେ ସେଥିପ୍ରତି ଧ୍ୟାନ ଦେବାକୁ ଚାହୁଁନୁ । ଆମର କେବଳ ଫୋକସ ପ୍ରତି ମ୍ୟାଚରେ ବିଜୟୀ ହେବା ଉପରେ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
