ବର୍ମିଂହାମ: କ୍ରିକେଟ ବିଶ୍ବକପର 2ୟ ସେମିଫାଇନାଲ ଆଜି ବର୍ମିଂହାମରେ ଇଂଲଣ୍ଡ-ଅଷ୍ଟ୍ରେଲିଆ ମଧ୍ୟରେ ଖେଳାଯାଉଛି । ପ୍ରଥମେ ଟସ ଜିତି ଅଷ୍ଟ୍ରେଲିଆର ବ୍ୟାଟିଂ ଜାରି ରହିଛି । ଅଷ୍ଟ୍ରେଲିଆ ଆରମ୍ଭରୁ 2ଓପନର ଡେଭିଡ ୱାର୍ଣ୍ଣର ଓ କ୍ୟାପଟେନ ଆରୋନ ଫିଞ୍ଚଙ୍କ ୱିକେଟ ହରାଇ ସାରିଛି ।
ଫର୍ମରେ ଥିବା ୱାର୍ଣ୍ଣର ମାତ୍ର 9 ରନ କରି ଆଉଟ ହେଇଥିବାବେଳେ, କ୍ୟାପଟେନ ଫିଞ୍ଚ ଶୂନରେ ଆଉଟ ହୋଇଛନ୍ତି ।
ଅଷ୍ଟ୍ରେଲିଆ ପାଳିର 7 ଓଭର ସୁଦ୍ଧା, ମାତ୍ର 14 ରନରେ 3 ୱିକେଟ ହରାଇଛି । ତେବେ ଅଭିଜ୍ଞ ଷ୍ଟିଭେନ ସ୍ମିଥ ଓ ୱିକେଟ କିପର ଆଲେକ୍ସ କ୍ୟାରି ଅଷ୍ଟ୍ରେଲିଆ ପାଳିକୁ ଆଗକୁ ବଢାଇଛନ୍ତି । ଇଂଲଣ୍ଡ ପକ୍ଷରୁ କ୍ରିସ ୱର୍କ୍ସ 2ଟି ଓ ଜୋଫ୍ରା ଆର୍ଚର ଗୋଟିଏ ୱିକେଟ ନେଇଛନ୍ତି ।
ପ୍ରଥମ ସେମିଫାଇନାଲରେ ଭାରତକୁ 18 ରନରେ ହରାଇ ନ୍ୟୁଜିଲାଣ୍ଡ ଫାଇନାଲରେ ପହଞ୍ଚିସାରିଛି । ଆଜି ମ୍ୟାଚର ବିଜେତା ନ୍ୟୁଜିଲାଣ୍ଡ ସହ ଆସନ୍ତା 14 ତାରିଖରେ ଲର୍ଡ୍ସରେ ବିଶ୍ବକପ ଫାଇନାଲ ଖେଳିବ ।
