ହାଇଦ୍ରାବାଦ: ବର୍ଷ 2024ରେ ଅନେକ ଜବରଦସ୍ତ ଟେକ୍ ପ୍ରଡକ୍ଟ ଲଞ୍ଚ ହୋଇଛି, ଯାହାକି ଆମ ଜୀବନଶୈଳୀକୁ ଆହୁରି ସ୍ମାର୍ଟ କରିବା ସହ ସହଜ ମଧ୍ୟ କରିଛି । ଚଳିତ ବର୍ଷ କିଛି ଖାସ୍ କନସେପ୍ଟ ଡିଭାଇସ ଆମ ଦୈନନ୍ଦିନ ଜୀବନର ଅନୁଭବକୁ ପରିବର୍ତ୍ତନ କରିବା ଉଦ୍ଦେଶ୍ୟରେ ବିକଶିତ କରାଯାଇଛି । ଉଦାହରଣ ଦେଖିଲେ ସାମସଙ୍ଗର AI Family Hub + Fridge ଯାହାକି ଫ୍ରିଜରେ ରଖାଯାଇଥିବା ଖାଦ୍ୟଗୁଡ଼ିକର ଏକ୍ସପାରୀ ଡେଟ୍ କହିଥାଏ । ସେହିପରି LG AI Agent, ଏହି ସ୍ମାର୍ଟ ହୋମ୍ ରୋବୋଟ୍ ଆପଣଙ୍କ ଘରର ପରିବେଶକୁ ମନିଟର୍ କରିବା ସହ ଘର କାମରେ ସାହାଯ୍ୟ କରିଥାଏ ।
ଏହା ବ୍ୟତୀତ, Meta Orion AR Glasses ଏହି ତାଲିକାରେ ଆସୁଛି, ଯାହାକି କୃତ୍ରିମ ବୁଦ୍ଧିମତା ଓ ଅଗମେଣ୍ଟେଡ ରିଆଲିଟି ମାଧ୍ୟମରେ ଆପଣଙ୍କ ଅନୁଭବକୁ ଅଧିକ ଉନ୍ନତ କରିଥାଏ । ଏହି ସମସ୍ତ ଡିଭାଇସର ଉଦ୍ଦେଶ୍ୟ ହେଉଛି ଆମ ଜୀବନକୁ ଆହୁରି ସ୍ମାର୍ଟ, ସୁରକ୍ଷିତ ଓ ସୁବିଧାଜନକ କରିବା । ଆମେ ନିମ୍ନରେ ଆପଣଙ୍କୁ ଏପରି ଟେକ୍ନୋଲୋଜି ବିଷୟରେ କହିବୁ, ଯାହାକୁ ବର୍ଷ 2024ରେ କନସେପ୍ଟ ଡିଭାଇସ ଭାବରେ ଲଞ୍ଚ କରାଯାଇଥିଲା ।
1. Samsung AI Family Hub + Fridge
ଏହି ଫ୍ରିଜର ଉପରେ ଏକ କ୍ୟାମେରା ଲଗାଯାଇଛି । ଆପଣ ଫ୍ରିଜରେ ରଖିଥିବା ଜିନିଷଗୁଡ଼ିକ ଉପରେ ଏହା ନଜର ରଖିଥାଏ । କାହାକୁ ରଖିବା ଓ ଫିଙ୍ଗିବା ଉଚିତ ସେ ସମ୍ପର୍କରେ ସୂଚିତ କରେ । ଏକ୍ସପାରୀ ହେବାକୁ ଥିବା ଜିନିଷ ସମ୍ପର୍କରେ ମଧ୍ୟ ଆଗୁଆ ସୂଚନା ପ୍ରଦାନ କରିଥାଏ । ଏହା ବ୍ୟତୀତ ଫ୍ରିଜରେ ରଖାଯାଇଥିବା ଜିନିଷଗୁଡ଼ିକ ସହିତ କେଉଁ ରେସିପି ହୋଇପାରିବ ସେ ସମ୍ପର୍କରେ ମଧ୍ୟ ସୂଚନା ଦିଏ ।
5ଟି ଭଲ ଫିଚର:
- କ୍ୟାମେରା ଟ୍ରାକିଂ: ଫ୍ରିଜରେ ରଖାଯାଇଥିବା ଜିନିଷକୁ ଟ୍ରାକ୍ କରେ ଏବଂ ସେମାନଙ୍କର ସ୍ଥିତି ପରଖେ ।
- ଏକ୍ସପାରୀ ଆଲର୍ଟ: କେଉଁ ଆଇଟମଗୁଡିକର ଏକ୍ସପାରୀ ଶେଷ ହେଉଛି ତାହା କହିଥାଏ ।
- ରେସିପି ପରାମର୍ଶ: ଫ୍ରିଜରେ ଥିବା ପଦାର୍ଥକୁ ଆଧାର କରି ସୀମିତ ରେସିପିର ପରାମର୍ଶ ଦିଏ ।
- ସ୍ମାର୍ଟ କନେକ୍ଟିଭିଟି: ଏହା ସ୍ମାର୍ଟଫୋନ ସହିତ ସଂଯୋଗ ହୋଇପାରେ, ଯାହାଫଳରେ ଆପଣ ଯେକୌଣସି ସ୍ଥାନରୁ ଫ୍ରିଜ୍ ବିଷୟରେ ସୂଚନା ପାଇପାରିବେ ।
- ବ୍ୟବହାର କରିବା ସହଜ: ଏହାର ଇଣ୍ଟରଫେସ୍ ସହଜ ଏବଂ ୟୁଜର ଫ୍ରେଣ୍ଡଲି । ତେଣୁ ଆପଣ କୌଣସି ସମସ୍ୟାର ସମ୍ମୁଖୀନ ହୁଅନ୍ତି ନାହିଁ ।
2. Roborock S8 MaxV Ultra
ରୋବୋରୋକ୍ S8 ମ୍ୟାକ୍ସଭି ଅଲଟ୍ରା ସ୍ବୟଂଚାଳିତ ଭାବରେ ମଇଳା ପାଣିକୁ ବାହାର କରିବା, ସଫା କରିବା ଏବଂ ବିଶୁଦ୍ଧ ପାଣି ଭରିବା କାମ କରେ । ଏହାର ଏକ ଫ୍ଲେକିବଲ୍ ଆର୍ମ ପାର୍ଶ୍ବରେ ବ୍ରସ୍ ଅଛି, ଯାହା କୋଣକୁ ଭଲ ଭାବରେ ସଫା କରିଥାଏ । କ୍ୟାମେରା ଭିତ୍ତିକ ବାଧା ଏଡାଇବା, ଉନ୍ନତ ସଫ୍ଟୱେୟାର୍ ଏବଂ ଇଣ୍ଟିଗ୍ରେଟେଡ୍ AI ସମର୍ଥନ ପରି ଏହା ଅନେକ AI ଫିଚର ସହିତ ପ୍ରଦାନ କରାଯାଇଛି ।
5 ଭଲ ଫିଚର:
- ସ୍ବୟଂଚାଳିତ ପାଣି ଭରିବା ଏବଂ ବିତରଣ: ଏହା ମଇଳା ଜଳକୁ ବାହାର କରିବା ଏବଂ ବିଶୁଦ୍ଧ ଜଳ ଭରିବା ପାଇଁ ସ୍ବୟଂଚାଳିତ ଭାବରେ କାର୍ଯ୍ୟ କରେ ।
- ଫ୍ଲେକ୍ସିବଲ୍ ଆର୍ମ ସାଇଡ୍ ବ୍ରସ୍: କାନ୍ଥ ନିକଟରେ ଥିବା କୋଣ ଏବଂ ସ୍ଥାନଗୁଡିକ ଭଲ ଭାବରେ ସଫା କରିପାରେ ।
- କ୍ୟାମେରା ଆଧାରିତ ପ୍ରତିବନ୍ଧକ ଏଡ଼ାଇବା: ଏହା କ୍ୟାମେରା ସାହାଯ୍ୟରେ ବାଧାକୁ ଏଡ଼ାଇଥାଏ ଏବଂ ସଠିକ୍ ଦିଗରେ କାମ କରେ ।
- ଉନ୍ନତ ସଫ୍ଟୱେୟାର୍: ଏହାର ସଫ୍ଟୱେୟାର୍ ଉନ୍ନତ ହୋଇଛି ଯାହା ଦ୍ବାରା ଏହା ଅଧିକ ଚତୁରତାର ସହ କାମ କରେ ।
- AI ସମର୍ଥନ: ଏଥିରେ AI ସମର୍ଥନ ଅଛି, ଫଳରେ ଏହାର ଆଖପାଖର ପରିବେଶକୁ ବୁଝି ସ୍ବୟଂଚାଳିତ ଭାବରେ କାମ କରେ ।
3. LG AI Agent
LGର AI ଏଜେଣ୍ଟ ହେଉଛି ଏକ ସ୍ମାର୍ଟ ହୋମ୍ ରୋବଟ୍ ଯାହା ସ୍ବାଧୀନ ଭାବରେ ବୁଲିପାରେ ଏବଂ ଉପଭୋକ୍ତାମାନଙ୍କ ସହିତ ଯୋଗାଯୋଗ କରିପାରେ । ଏହାସହ ଘର ଉପରେ ନଜର ରଖିବା, ସ୍ମାର୍ଟ ଡିଭାଇସ ନିୟନ୍ତ୍ରଣ କରିବା ଏବଂ ବନ୍ଧୁଙ୍କ ପରି ସାଥୀରେ ରହିଥାଏ । ଏହା ଦୈନନ୍ଦିନ କାର୍ଯ୍ୟକୁ ସହଜ କରିବା ସହ ଘର କାମକୁ ହ୍ରାସ କରିବା ପାଇଁ ଡିଜାଇନ କରାଯାଇଛି । ଏହି AI ଏଜେଣ୍ଟ ଏହାର ଆଭ୍ୟନ୍ତରୀଣ କ୍ୟାମେରା, ସ୍ପିକର ଏବଂ ଅନେକ ସେନ୍ସର ବ୍ୟବହାର କରେ ଯାହା ମାଧ୍ୟମରେ ଏହା ତାପମାତ୍ରା, ଆର୍ଦ୍ରତା ଏବଂ ଘର ଭିତରର ବାୟୁ ଗୁଣବତ୍ତା ପରି ରିଅଲଟାଇମ ଡେଟା ପ୍ରଦାନ କରିଥାଏ।
5ଟି ଭଲ ଫିଚର:
- ସ୍ବତନ୍ତ୍ର ଭାବରେ ବୁଲିବା: ଏହି ରୋବୋଟ୍ ନିଜେ ଘର ଚାରିପାଖେ ବୁଲିପାରିବ ଏବଂ ଏହାର ଅନେକ କାର୍ଯ୍ୟ ସହଜରେ କରିପାରେ ।
- ସ୍ମାର୍ଟ ଡିଭାଇସ୍ କଣ୍ଟ୍ରୋଲ୍: ଏହା ଲାଇଟ୍, ଏସି ଆଦି ସ୍ମାର୍ଟ ଡିଭାଇସକୁ ନିୟନ୍ତ୍ରଣ କରିପାରେ ।
- ରିଅଲ୍ ଟାଇମ୍ ତଥ୍ୟ ସଂଗ୍ରହ: ସେନ୍ସର ଏବଂ କ୍ୟାମେରା ବ୍ୟବହାର କରି ତାପମାତ୍ରା, ଆର୍ଦ୍ରତା ଏବଂ ବାୟୁ ଗୁଣକୁ ଟ୍ରାକ୍ କରେ ।
- ହୋମ ମନିଟରିଂ: ଏହା ଆପଣଙ୍କ ଘର ଉପରେ ନଜର ରଖେ ଏବଂ ସୁରକ୍ଷା ଦୃଷ୍ଟିରୁ ସାହାଯ୍ୟ କରେ ।
- ବନ୍ଧୁତା ଏବଂ ସାଥୀତା: ଏହି ରୋବୋଟ୍ ଉପଭୋକ୍ତାଙ୍କ ସହିତ ଯୋଗାଯୋଗ କରେ ଏବଂ ଘରର ସଦସ୍ୟ ପରି ଅନୁଭବ କରାଏ । ଯାହାଦ୍ବାରା ଜଣେ ବ୍ୟକ୍ତି ନିଜକୁ ଏକାକୀ ମନେ କରେ ନାହିଁ ।
4. Squad Buggy
ସ୍କ୍ବାଡ୍ ବଗି ଏକ ଇଲେକଟ୍ରିକ ଗାଡି, ଏହା ସ୍ବୟଂଚାଳିତ ଭାବେ ଚାର୍ଜ ହେବା ଲାଗି ଏହାର ଉପରେ ସୋଲାର ପ୍ୟାନେଲ ଲଗାଯାଇଛି । ଏହି ଗାଡି଼ରେ ଜଣେ ବା 2ଜଣ ବ୍ୟକ୍ତି ଯାତ୍ରା କରିପାରିବେ । ଏଥିରେ ବଦଳାଇ ହେଉଥିବା ବ୍ୟାଟେରୀ ଲଗାଯାଇଛି । ଏହାର ଡିଜାଇନ ମଧ୍ୟ ବେଶ ସୁନ୍ଦର ହୋଇଛି ।
5ଟି ଭଲ ଫିଚର:
- ସୋଲାର ପ୍ୟାନେଲ: ଗାଡ଼ି ଉପରେ ଲଗାଯାଇଥିବା ସୋଲାର ପ୍ୟାନେଲ ଯୋଗୁଁ ବଗି ସ୍ବୟଂଚାଳିତ ଭାବେ ଚାର୍ଜ ହୋଇଥାଏ, ଯାହାଦ୍ବାରା ଏହାକୁ ବାରମ୍ବାର ଚାର୍ଜିଂରେ ଲଗାଇବାକୁ ପଡ଼େ ନାହିଁ ।
- 2ଜଣ କରିପାରିବେ ଯାତ୍ରା: ଏଥିରେ ଦୁଇ ଜଣ ବ୍ୟକ୍ତି ଆରାମଦାୟକ ଯାତ୍ରା କରିପାରିବେ । ଏହା ବିଶେଷ କରି ପାଖ ସ୍ଥାନକୁ ଯାତ୍ରା କରିବାକୁ ପ୍ରଯୁଜ୍ୟ ।
- ବଦଳାଇବାଯୋଗ୍ୟ ବ୍ୟାଟେରୀ: ଏଥିରେ ଲଗାଯାଇଥିବା ବ୍ୟାଟେରୀକୁ ଆପଣ ନିଜ ସୁବିଧାରେ ବଦଳାଇପାରିବେ । ଅର୍ଥାତ ବ୍ୟାଟେରୀ ସରିଗଲେ ନୂଆ ବ୍ୟାଟେରୀ ଲଗାଇପାରିବେ ।
- ଆଧୁନିକ ଡିଜାଇନ: ଏହାର ଲୁକ୍ ଓ ଡିଜାଇନ ବହୁତ ସୁନ୍ଦର । ଯାହାକି ସମସ୍ତଙ୍କୁ ଆକର୍ଷିତ କରିଥାଏ ।
- ପରିବେଶ ଅନୁକୂଳ: ଖାଲି ସେତିକି ନୁହେଁ ସୋଲାର ପ୍ୟାନେଲ ଯୋଗୁଁ ଏହା ପରିବେଶ ଅନୁକୂଳ ମଧ୍ୟ । କାରଣ ଏହା ଖୁବ କମ ଶକ୍ତିର ବ୍ୟବହାର କରିଥାଏ ଓ ପ୍ରଦୂଷଣ କରିନଥାଏ ।
5. Current Grill
ଏହି ଗ୍ରୀଲ ସମ୍ପୂର୍ଣ୍ଣ ଭାବେ ଇଲେକଟ୍ରିକ । ଫଳରେ ଏହାକୁ ଗ୍ୟାସ୍ କିମ୍ବା କୋଇଲାର ଆବଶ୍ୟକତା ନାହିଁ । ଏହା 700 ଡିଗ୍ରୀ ଫାରେନହାଇଟ୍ ପର୍ଯ୍ୟନ୍ତ ତାପମାତ୍ରା ଧାରଣ କରିପାରେ । ଏହାକୁ ଅପରେଟ୍ କରିବା ଲାଗି ଆପ୍ ଫିଚର ମଧ୍ୟ ଅଛି ।
5ଟି ଭଲ ଫିଚର:
- ସଂପୂର୍ଣ୍ଣ ଇଲେକଟ୍ରିକ୍: ଏହା ଗ୍ୟାସ୍ କିମ୍ବା କୋଇଲା ବ୍ୟବହାର କରେ ନାହିଁ, ଫଳରେ ଏହାକୁ ବ୍ୟବହାର କରିବା ସହଜ ଏବଂ ନିରାପଦ ।
- 700 ଡିଗ୍ରୀ ଫାରେନ୍ହାଇଟ୍ ପର୍ଯ୍ୟନ୍ତ ତାପମାତ୍ରା: ଏହି ଗ୍ରୀଲ୍ 700 ଡିଗ୍ରୀ ଫାରେନହାଇଟ୍ ପର୍ଯ୍ୟନ୍ତ ଗରମ ହୋଇପାରେ, ଯାହା ଆପଣଙ୍କୁ ବିଭିନ୍ନ ଖାଦ୍ୟ ଗ୍ରୀଲ୍ କରିବାକୁ ଦେଇଥାଏ ।
- ଆପ୍ କଣ୍ଟ୍ରୋଲ୍: ଏଥିରେ ଏକ ଆପ୍ର ସୁବିଧା ଅଛି, ଯାହା ମାଧ୍ୟମରେ ଆପଣ ତାପମାତ୍ରାକୁ ସହଜରେ ନିୟନ୍ତ୍ରଣ କରିପାରିବେ ଏବଂ ଗ୍ରୀଲ୍ ବନ୍ଦ କରିପାରିବେ ।
- ନିରାପଦ: କୌଣସି ଗ୍ୟାସ ଏବଂ କୋଇଲା ବ୍ୟବହାର ହେଉନଥିବା ଯୋଗୁଁ ଏହା ପରିବେଶ ପାଇଁ ଅନୁକୂଳ ଓ ବ୍ୟବହାରକାରୀଙ୍କ ଲାଗି ନିରାପଦ ହୋଇଥାଏ ।
- ବ୍ୟବହାର କରିବା ସହଜ: ଏହି ଗ୍ରୀଲ୍ ବ୍ୟବହାର କରିବା ଅତି ସହଜ ଏବଂ ଆପଣଙ୍କୁ କୌଣସି ଜଟିଳ ପ୍ରକ୍ରିୟା ଅନୁସରଣ କରିବାକୁ ପଡ଼ିନଥାଏ ।
6. LG MICROLED T
ଏହା ଭବିଷ୍ୟତ ଲାଗି ଡିଜାଇନ ହୋଇଥିବା ଏକ ଟିଭି, ଯାହାକି ପ୍ରିମିୟମ ହେବା ସହ ଟ୍ରାନ୍ସପରେଣ୍ଟ ଓ ସ୍ଲିମ ହେବ । ଏଥିରେ MicroLED ଟେକ୍ନୋଲୋଜିର ବ୍ୟବହାର କରାଯିବ ଯାହାକି ଇମେଜ କ୍ବାଲିଟି ଓ ଦୀର୍ଘ ସମୟ ପର୍ଯ୍ୟନ୍ତ ବ୍ୟବହାର ଉପଯୋଗୀ ସ୍କ୍ରିନ ପ୍ରଦାନ କରିବ । LG ଭବିଷ୍ୟତରେ 'LG MicroLED T' ନାଁରେ ଏକ ଟିଭି ଲଞ୍ଚ କରିପାରେ ।
5ଟି ଭଲ ଫିଚର:
- ମାଇକ୍ରୋ LED ଟେକ୍ନୋଲୋଜି: ଏହି ଟେକ୍ନୋଲୋଜି ଉତ୍କୃଷ୍ଟ ଫଟୋ ଏବଂ ଉନ୍ନତ କଲର କମ୍ବିନେସନ ପ୍ରଦାନ କରେ ।
- ଟ୍ରାନ୍ସପରେଣ୍ଟ ଡିଜାଇନ୍: ଏହାର ଟ୍ରାନ୍ସପରେଣ୍ଟ ଫ୍ରେମ୍ ଏବଂ ସ୍ଲିମ୍ ଡିଜାଇନ ବହୁତ ଆକର୍ଷଣୀୟ ।
- ଦୀର୍ଘ ସ୍ଥାୟୀ: ମାଇକ୍ରୋ ଏଲଇଡି ଟେକ୍ନୋଲୋଜି ଯୋଗୁଁ ଏହି ଟିଭି ଦୀର୍ଘ ସମୟ ଧରି ରହିପାରେ ଏବଂ ଏହାର ଗୁଣବତ୍ତା ମଧ୍ୟ ବଜାୟ ରହିପାରିବ ।
- ପ୍ରିମିୟମ ଅଭିଜ୍ଞତା: ଏହି ଟିଭି ଉଚ୍ଚମାନର ବିଷୟବସ୍ତୁ ପ୍ରଦାନ କରି ଏକ ପ୍ରିମିୟମ ଅଭିଜ୍ଞତା ପ୍ରଦାନ କରିବାକୁ ଡିଜାଇନ ହୋଇଛି ।
- ଆଧୁନିକ ଡିଜାଇନ: ଏହାର ଆଧୁନିକ ଏବଂ ଷ୍ଟାଇଲିସ୍ ଲୁକ୍ ମଧ୍ୟ ଘରର ସୌନ୍ଦର୍ଯ୍ୟକୁ ବୃଦ୍ଧି କରିବ ।
7. Motorola's Bracelet Concept Phone
ଏହି ବର୍ଷ ମୋଟୋରୋଲା ଏପରି ଏକ କନସେପ୍ଟ ଡିଭାଇସ ଆଣିଥିଲା, ଯାହାକୁ ଆପଣ ହାତରେ ବ୍ରେସଲେଟ୍ ପରି ପିନ୍ଧିପାରିବେ । ଯେତେବେଳେ ଆପଣ ଏହି ଫୋନକୁ ଫ୍ଲାଟ ରଖିବେ, ଏହା ଏକ ସାଧାରଣ ଫୋନ ପରି ଦେଖାଯିବ, କିନ୍ତୁ ଯେତେବେଳେ ଆପଣ ଏହାକୁ ନିଜ ହାତରେ ପିନ୍ଧିବେ ଏହା ସ୍ମାର୍ଟୱାଚ୍ ଏବଂ ସ୍ମାର୍ଟଫୋନ୍ର ହାଇବ୍ରିଡ୍ ପରି ଲାଗିବ । ଏହି ଫୋନରେ 6.9 ଇଞ୍ଚ ଫ୍ଲେକ୍ସିବଲ୍ POLED ସ୍କ୍ରିନ୍ ରହିପାରେ ।
5ଟି ଭଲ ଫିଚର:
- ଫ୍ଲେକ୍ସିବଲ୍ POLED ସ୍କ୍ରିନ୍: ଏହାର 6.9 ଇଞ୍ଚ ଫ୍ଲେକ୍ସିବଲ୍ ସ୍କ୍ରିନ୍ ଅଛି, ଯାହା ଅତ୍ୟନ୍ତ ନମନୀୟ ଏବଂ ଯେକୌଣସି ଆକାର ଧାରଣ କରିପାରିବ ।
- ସ୍ମାର୍ଟ ୱାଚ୍ ଏବଂ ସ୍ମାର୍ଟଫୋନର ହାଇବ୍ରିଡ୍: ଏହି ଡିଭାଇସ୍ ଉଭୟ ସ୍ମାର୍ଟଫୋନ୍ ଏବଂ ସ୍ମାର୍ଟ ୱାଚ୍ର ଫିଚରକୁ ଏକତ୍ର କରିଥାଏ ।
- ଗୋଡ଼ରେ ପରିଧାନଯୋଗ୍ୟ ଡିଜାଇନ୍: ଏହାକୁ ହାତଗୋଡ଼ରେ ପିନ୍ଧାଯାଇପାରିବ ଏହାକୁ ସ୍ମାର୍ଟ ୱାଚ୍ ଭାବରେ ସହଜରେ ବ୍ୟବହାର କରାଯାଇପାରିବ ।
- ପୋର୍ଟେବଲ୍ ଏବଂ କମ୍ପାକ୍ଟ: ଏହି ଫୋନ ବହୁତ ହାଲୁକା ଏବଂ କମ୍ପାକ୍ଟ, ତଥାପି ବହୁତ ଭଲ ଫିଚର ସହିତ ଆସିଥାଏ ।
- ଷ୍ଟାଇଲିସ୍ ଲୁକ୍: ଏହାର ଡିଜାଇନ୍ ବହୁତ ଷ୍ଟାଇଲିସ୍, ଯାହା ଫ୍ୟାଶନ୍ ଏବଂ ଟେକ୍ନୋଲୋଜିର ଏକ ଉତ୍ତମ ମିଶ୍ରଣ ।
8. Meta Orion AR Glasses
Meta Orion AR ଗ୍ଲାସେସ ସାଧାରଣ ଚଷମା ପରି ଦିଶିତାଏ, କିନ୍ତୁ ଏଥିରେ ଅଗମେଣ୍ଟେଡ ରିଆଲିଟି (AR)ର ଅନେକ ରୋମାଞ୍ଚକର ଫିଚର ଅଛି । ଏହି ଚଷମା ଏଆଇର ବ୍ୟବହାର କରି ଆପଣଙ୍କ ଆଖପାଖ ପରିବେଶକୁ ଜାଣିପାରେ । ଯାହାଦ୍ବାରା ଏହା ଆପଣଙ୍କ ଆବଶ୍ୟକତାର ଅନୁମାନ ଲଗାଇବା ସହ ପୂରଣ କରିବାକୁ ଉଦ୍ୟମ କରେ ।
5ଟି ଭଲ ଫିଚର:
- ଅଗମେଣ୍ଟେଡ୍ ରିଅଲିଟି (AR): ଏହି ଗ୍ଲାସଗୁଡିକ AR ସାହାଯ୍ୟରେ ରିଅଲ ଟାଇମ୍ ଡେଟା ସଂଗ୍ରହ କରି ଆପଣଙ୍କ ଆଖପାଖ ପରିବେଶକୁ ବୁଝିଥାଏ ।
- AIର ବ୍ୟବହାର: ଏହାର AI ସପୋର୍ଟ ଆଖପାଖର ପରିବେଶକୁ ବୁଝି ବ୍ୟବହାରକାରୀଙ୍କ ଆବଶ୍ୟକତା ଅନୁଯାୟୀ କାର୍ଯ୍ୟ କରେ।
- ସାଧାରଣ ଚଷମା ପରି ଡିଜାଇନ୍: ଏହି ଚଷମା ସାଧାରଣ ଚଷମା ପରି ଦେଖାଯାଏ, ଯେଉଁଥିପାଇଁ ସେଗୁଡିକ ପିନ୍ଧିବାରେ କୌଣସି ଅସହଜ ବୋଧ ହୁଏନାହିଁ ।
- ଆରାମଦାୟକ ଏବଂ ଷ୍ଟାଇଲିସ୍: ଏହାକୁ ପିନ୍ଧିବା ଆରାମଦାୟକ ଏବଂ ଏହାର ଡିଜାଇନ୍ ବହୁତ ଷ୍ଟାଇଲିସ୍, ଯାହାକୁ ସମସ୍ତେ ପସନ୍ଦ କରିପାରିବେ ।
- ପରିସ୍ଥିତିକୁ ବୁଝିବାର କ୍ଷମତା: ଏହି ଚଷମା ଆପଣଙ୍କ ଚାରିପାଖରେ ଥିବା ପରିବେଶକୁ ଚିହ୍ନିପାରେ ଏବଂ ସେହି ଅନୁଯାୟୀ କାର୍ଯ୍ୟ କରିପାରେ ଯେପରି ଦିଗ ନିର୍ଦ୍ଦେଶ ଦେବା କିମ୍ବା ନୋଟିଫିକେସନ ଦେଖାଇବା ଆଦି ।
9. Snapchat Spectacles
ସ୍ନାପଚାଟ୍ର ଚଷମାର ବାହାରେ କ୍ୟାମେରା ଲଗାଯାଏ, ଯାହାକି ଆଖପାଖର ପରିବେଶ ଦେଖିପାରେ । ଏଥିରେ Apple Vision Pro ଓ Meta Quest ହେଡସେଟ୍ସ ପରି ହାତକୁ ଟ୍ରାକ୍ କରିବାର ଫିଚର ଦିଆଯାଇଛି । ଏହା AR ଗ୍ଲାସେସ, ଯେଉଁଥିରେ ବହୁ ଛୋଟ ଓ ଇଫେକ୍ଟିଭ Liquid Crystal on Silicon (LCOS) ମାଇକ୍ରୋ ପ୍ରୋଜେକ୍ଟର ଲଗାଯାଇଛି ।
5ଟି ଭଲ ଫିଚର:
- ବାହାର କ୍ୟାମେରା: ଏହି ଗ୍ଲାସ ବାହାରେ କ୍ୟାମେର ଲଗାଯାଇଛି, ଯାହାକି ଆଖପାଖ ବାତାବରଣକୁ ଦେଖିପାରେ ଏବଂ AR ଅନୁଭବକୁ ଆହୁରି ରୋମାଞ୍ଚକର କରିଥାଏ ।
- ହ୍ୟାଣ୍ଡ ଟ୍ରାକିଂ: ଏହି AR ଗ୍ଲାସେସ୍ ହାତର ଗତିବିଧିକୁ ଟ୍ରାକ୍ କରିପାରେ ।
- କମ୍ପାକ୍ଟ ଓ ହାଲୁକା: ଏହି ଗ୍ଲାସ୍ର ଡିଜାଇନ ବହୁ କମ୍ପାକ୍ଟ ହେବା ସହ ହାଲୁକା । ଫଳରେ ଏହାକୁ ପିନ୍ଧିବା ଆରାମଦାୟକ ଓ ସହଜ ହୋଇଥାଏ ।
- LCOS ମାଇକ୍ରୋ-ପ୍ରୋଜେକ୍ଟର: ଏଥିରେ Liquid Crystal on Silicon (LCOS) ମାଇକ୍ରୋ-ପ୍ରୋଜେକ୍ଟର ଲାଗିଛି, ଯାହାକି ହାଇ କ୍ବାଲିଟିର ଫଟୋ ଓ ଭିଡିଓ ପ୍ରଦର୍ଶିତ କରିଥାଏ ।
10. Sony AFEELA Concept Vehicle
ଏହା ଏକ ଇଲେକଟ୍ରିକ ସେଡାନ । ଏହି ଗାଡ଼ି ଆପଣଙ୍କ ମୋବାଇଲ ଫୋନରେ ରହିଥିବା ସପୋର୍ଟ ଆପ୍ ଜରିଆରେ କାମ କରିପାରେ । ଯେତେବେଳେ ଆପଣ ଏହି କାର ନିକଟକୁ ପହଞ୍ଚିବେ, ଏହି ଆପ୍ ସ୍ବୟଂଚାଳିତ ଭାବେ ଆପଣଙ୍କ କାରର ଡୋରକୁ ଖୋଲିଦେଇଥାଏ । ଏହି ଗାଡି଼ ଅନ୍ୟ ଗାଡ଼ି ପରି ବହୁତ ହ୍ୟାଣ୍ଡେଲ ନୁହେଁ, ବରଂ ପ୍ରତି ୱିଣ୍ଡୋ ପାଖରେ ଏକ ଛୋଟ ବଟନ୍ ରହିଥାଏ । ଏଥିରେ ଗାଡ଼ିର ଡୋର ଖୋଲିତାଏ ।
5ଟି ଭଲ ଫିଚର:
- ଇଲେକଟ୍ରିକ୍ ଗାଡି: ଏହା ସମ୍ପୂର୍ଣ୍ଣ ଭାବେ ଇଲକେଟ୍ରିକ ହୋଇଥାଏ, ଯେଉଁଥିରେ ପରିବେଶ ଅନୁକୂଳ ।
- ସ୍ମାର୍ଟ ଆପ୍ କନେକ୍ଟିଭିଟି: ଏହି କାର ଆପଣଙ୍କ ମୋବାଇଲ ଫୋନ ଆପ୍ ସହିତ କନେକ୍ଟ ହୋଇଥାଏ, ଯେଉଁଥିରେ ଆପଣ କାରର ଡୋର ଖୋଲିପାରିବେ ।
- ସ୍ମାର୍ଟ ଡୋର୍: ଏଥିରେ ହ୍ୟାଣ୍ଡେଲ ବଦଳରେ ଛୋଟ ବଟନ୍ ରହିଥାଏ, ଫଳରେ କାର ପାଖକୁ ଯିବା ମାତ୍ରେ ଡୋର ଆପେ ଆପେ ଖୋଲିଯାଏ ।
- ଅତ୍ୟାଧୁନିକ ଡିଜାଇନ: ଏହାର ଡିଜାଇନ ମଧ୍ୟ ବେଶ ଷ୍ଟାଇଲିସ ହୋଇଛି । ଯାହାକି ମଡର୍ଣ୍ଣ କାର ଭଳି ଆକର୍ଷିତ କରିଥାଏ ।
- ଆଡଭାନ୍ସ ଟେକ୍ନୋଲୋଜି: ଏଥିରେ ବ୍ୟବହାର କରାଯାଇଥିବା ନୂତନ ଟେକ୍ନୋଲୋଜି ଓ ସ୍ମାର୍ଟ ଫିଚର ଏହାକୁ ଏକ ପ୍ରିମିୟମ ଓ ସ୍ମାର୍ଟ କାର ରୂପେ ପ୍ରଦର୍ଶିତ କରିଥାଏ ।
| ଏହା ବି ପଢନ୍ତୁ |
ବ୍ୟୁରୋ ରିପୋର୍ଟ, ଇଟିଭି ଭାରତ
