ଲଣ୍ଡନ: ଷ୍ଟାଡିୟମ ଭିତରେ ପାକିସ୍ତାନ-ଆଫଗାନିସ୍ତାନ ଲଢେଇ ହେଉଥିଲା । ଆଉ ଷ୍ଟାଡିୟମ ବାହାରେ ପିଟାପିଟି ହୋଇଛନ୍ତି ଉଭୟ ଦେଶର ପ୍ରଶଂସକ । ବିଶ୍ବକପ ମ୍ୟାଚ ବେଳେ ଏମିତି ଏକ ଅପ୍ରିତିକର ଘଟଣା ଘଟିଛି ଇଂଲଣ୍ଡରେ ।
ଭିଡିଓ ସୌଜନ୍ୟ- ସୋସିଆଲ ମିଡିଆ
ଇଂଲଣ୍ଡର ଲିଡ୍ସ ଗ୍ରାଉଣ୍ଡରେ ଆଜିର ମ୍ୟାଚ ଖେଳାଯାଉଛି । ସେମିଫାଇନାଲ ରେସରେ ଥିବା ପାକିସ୍ତାନ ଏହି ମ୍ୟାଚରେ ନିଶ୍ଚିନ୍ତ ବିଜୟ ଲକ୍ଷ୍ୟରେ ରହିଛି । ଅନ୍ୟପଟେ ଯୁବ ଆଫଗାନ ଦଳ ବିଶ୍ବକପରୁ ବାଦ ପଡିଥିଲେ ମଧ୍ୟ ପାକିସ୍ତାନକୁ କଡା ଟକ୍କର ଦେଉଛି । 2 ପଡୋଶୀ ଦେଶ ମଧ୍ୟରେ ସଂପର୍କ ଭଲ ନଥିବାରୁ ପ୍ରଶଂସକଙ୍କ ମଧ୍ୟରେ ଉତ୍ତେଜନା ଦେଖାଯାଇଛି । କିଛି ପ୍ରଶଂସକ ପିଟାପିଟି ହେଉଥିବାର ଦୃଶ୍ୟ କ୍ୟାମେରାରେ କଏଦ ହୋଇଛି ।
