ନୂଆଦିଲ୍ଲୀ: ପଞ୍ଜାବ କ୍ରିକେଟ ଆସୋସିଏସନ ସିକ୍ସର କିଙ୍ଗ ଯୁବରାଜ ସିଂଙ୍କୁ ସନ୍ନ୍ୟାସକୁ ନେଇ ପୁର୍ନବିଚାର କରିବାକୁ ନିବେଦନ କରିଛି । କିନ୍ତୁ ଏଯାଏଁ ଅଲରାଉଣ୍ଡର ଯୁବରାଜ ସିଂ କୌଣସି ଉତ୍ତର ରଖି ନାହାନ୍ତି । ପିସିଏର ଇଚ୍ଛା ୟୁବି ପ୍ରଦେଶ କ୍ରିକେଟ ଟିମର ଖେଳାଳି ଓ ମେଣ୍ଟର ଭାବେ ଗ୍ରାଉଣ୍ଡକୁ ଫେରନ୍ତୁ । ପିସିଏ ସଚିବ ପୁନୀତ ବାଲି ଶୁକ୍ରବାର କହିଛନ୍ତି ଯେ, ସେ ଯୁବରାଜଙ୍କୁ ପୁଣି କ୍ରିକେଟକୁ ଫେରିବାକୁ ଅନୁରୋଧ କରିଛନ୍ତି । ତାଙ୍କର ଉତ୍ତର ଅପେକ୍ଷାରେ ଆମେ ଅଛୁ । ଯଦି ସେ ମାନି ଯାଆନ୍ତି ପଞ୍ଜାବ କ୍ରିକେଟ ପାଇଁ ବେଶ ଲାଭଦାୟକ ହେବ ।
ସୂଚନାଥାଉକି, ଯୁବରାଜ ପୂର୍ବରୁ ହିଁ ଶୁଭମନ ଗିଲଙ୍କ ସମେତ କିଛି ଯୁବ ଖେଳାଳିଙ୍କ ମାଗଦର୍ଶନ କରୁଛନ୍ତି । ଯୁବରାଜ ଗତବର୍ଷ କ୍ରିକେଟର ସମସ୍ତ ଫର୍ମାଟରୁ ଅଲବିଦା କହି ସାରିଛନ୍ତି । ଏହାପରେ ସେ ବିଦେଶରେ ଲିଗ ମ୍ୟାଚ ଖେଳୁଛନ୍ତି । ଯୁବରାଜ ସିଂ ଭାରତ ପାଇଁ 40ଟି ଟେଷ୍ଟ, 304ଟି ଦିନିକିଆ ଓ 58ଟି-20 ମ୍ୟାଚ ଖେଳିଛନ୍ତି । ଏହି କ୍ରମରେ ସେ 1900,8701 ଓ 1177ରନ ସଂଗ୍ରହ କରିଛନ୍ତି ।
ୟୁବି ଟେଷ୍ଟରେ 9ଟି, ଦିନିକିଆରେ 111ଟି ଓ ଟି-20ରେ 28ଟି ଓ୍ବିକେଟ ନିଜ ନାଁରେ କରିଛନ୍ତି ।
