ନୂଆଦିଲ୍ଲୀ: ଫାଷ୍ଟ ବୋଲର ଏସ ଶ୍ରୀସନ୍ତ କହିଛନ୍ତି ଯେ ଯଦି ସୁଯୋଗ ଦିଆଯାଏ ତେବେ ସେ ପୁନର୍ବାର ଭାରତ ପାଇଁ ଖେଳିବାକୁ ଚାହୁଁଛନ୍ତି , ସେ ପ୍ରିତିଯୋଗିତା ପାଇଁ କେରଳ ରଣଜୀ ସେଟଅପକୁ ଫେରିନାହାଁନ୍ତି ।
‘‘ମୁଁ ଏଠାରେ ପ୍ରତିଯୋଗିତା କରିବାକୁ ନାହିଁ, ମୁଁ କେବଳ ମୋର ଅନୁଭୂତି ସେୟାର କରିବା ଓ ସାହାଯ୍ୟ କରିବା ପାଇଁ ଅଛି ତା ଭିତରେ ଯଦି ଚୟନକର୍ତ୍ତା ମତେ ସୁଯୋଗ ଦିଅନ୍ତି ତେବେ କାହିଁକି ନୁହେଁ, ଯଦି ଭାରତ 2021 ଟେଷ୍ଟ ଚାମ୍ପିୟନଶିପ ଫୀାଇନାସ ଖେଳେ ତେବେ ମୁଁ ସେଥିରେ ଖେଳିବାକୁ ଚାହିଁବି,’’ ବୋଲି ଶ୍ରୀସାନ୍ତ କହିଛନ୍ତି ।
ଆଇଏଏନଏସ ପୂର୍ବରୁ ରିପୋର୍ଟ କରିଥିଲା ଯେ କେରଳ କ୍ରିକେଟ ଆସୋସିଏସନ କହିଛି ଯେ, ସେପ୍ଟେମ୍ବରରେ ତାଙ୍କର ନିଷେଧାଦେଶ ଶେଷ ହେବା ପରେ 37 ବର୍ଷିୟଙ୍କୁ କେରଳ ରଣଜୀ ଦଳ ପାଇଁ ବିଚାରକୁ ନେବ। ତେବେ ଶ୍ରୀସାନ୍ତ କହିଛନ୍ତି ଯେ ତାଙ୍କ ପାଇଁ ଆଉ ବିଫଳତାର ଭୟ ନାହିଁ।
‘‘ଏହି ସୁଯୋଗ ମୋ ପାଇଁ ଆଶୀର୍ବାଦ ଭଳି । ବିଫଳତା କିମ୍ବା ସଫଳତାର ଭୟ ନାହିଁ। ଅନେକ ଲୋକ ବିଫଳତାର ଭୟ କିମ୍ବା ସଫଳତା ହେତୁ ପ୍ରତିଯୋଗିତା କରିବାକୁ ଚାହାଁନ୍ତି ନାହିଁ, ସେମାନେ ଜାଣନ୍ତି ନାହିଁ ସଫଳତା ସହ କଣ କରିବେ ?’’ ବୋଲି ସେ କହିଛନ୍ତି।
‘‘ମୁଁ ଭାବୁଛି ବର୍ତ୍ତମାନ ଏକ ସନ୍ତୁଳିତ ଆଭିମୁଖ୍ୟ ଗ୍ରହଣ କରିଥିବାରୁ ମୁଁ ଆଶୀର୍ବାଦପ୍ରାପ୍ତ। ମୋ ପରିବାର ଏବଂ ମଲୟାଲୀ ମାନଙ୍କୁ ମୋ ସହ ସବୁବେଳେ ଠିଆ ହୋଇଥିବାରୁ ଧନ୍ୟବାଦ। ମୋର ଆଭିମୁଖ୍ୟ ବର୍ତ୍ତମାନ କେବଳ ଅଭିଜ୍ଞତା ବାଣ୍ଟିବା ଏବଂ ଖେଳାଳିଙ୍କୁ ସାହାଯ୍ୟ କରିବା, ସେମାନେ ଯିଏ ହୋଇଥାନ୍ତୁ ନା କାହିଁକି ।’’
2013 ଇଣ୍ଡିଆନ ପ୍ରିମିୟର ଲିଗରେ ସ୍ପଟ୍ ଫିକ୍ସିଂ ଦୁର୍ନୀତିରେ ସମ୍ପୃକ୍ତ ଥିବା ଅଭିଯୋଗରେ ବିସିସିଆଇ ଅଗଷ୍ଟ 2013ରେ ଶ୍ରୀସାନ୍ତଙ୍କୁ ଆଜୀବନ ବ୍ୟାନ କରିଥିଲା। ତେବେ 2015 ମସିହାରେ, ଦିଲ୍ଲୀର ଏକ ସ୍ବତନ୍ତ୍ର କୋର୍ଟ ତାଙ୍କୁ ସମସ୍ତ ଅଭିଯୋଗରୁ ମୁକ୍ତ କରିଥିଲେ।
2018 ରେ, କେରଳ ହାଇକୋର୍ଟ ବିସିସିଆଇ କ୍ରିକେଟରଙ୍କ ଉପରେ ଲଗାଯାଇଥିବା ଆଜୀବନ ନିଷେଧାଦେଶକୁ ଖଣ୍ଡନ କରିଥିଲେ ଏବଂ ତାଙ୍କ ବିରୋଧରେ ଚାଲିଥିବା ସମସ୍ତ କେସ ମଧ୍ୟ ବନ୍ଦ କରିଦେଇଥିଲେ। ତେବେ ହାଇକୋର୍ଟର ଏକ ଡିଭିଜନ ବେଞ୍ଚ ଏହି ପ୍ରତିବନ୍ଧକକୁ ପୁନଃ ସ୍ଥାପିତ କରିଥିଲା।
ଏହା ପରେ ଶ୍ରୀସାନ୍ତ ଏହି ଆଦେଶ ବିରୋଧରେ ସୁପ୍ରିମକୋର୍ଟଙ୍କୁ ଯାଇଥିଲେ । ଯାହାପରେ ଗତ ବର୍ଷ ମାର୍ଚ୍ଚରେ ସର୍ବୋଚ୍ଚ ନ୍ୟାୟାଳୟ ସେ ଦୋଷ କରିଥିବା କହିଥିଲେ କିନ୍ତୁ ବିସିସିଆଇକୁ ଦଣ୍ଡର ପରିମାଣ ହ୍ରାସ କରିବାକୁ ନିର୍ଦ୍ଦେଶ। ଏହା ପରେ କ୍ରିକେଟ ବୋର୍ଡ ତାଙ୍କ ଜୀବନ ପ୍ରତିବନ୍ଧକକୁ ସାତ ବର୍ଷକୁ ହ୍ରାସ କରିଥିଲା ଯାହା ଚଳିତ ବର୍ଷ ଅଗଷ୍ଟରେ ଶେଷ ହେବ।
37 ବର୍ଷର ଶ୍ରୀସାନ୍ତ ଏପର୍ଯ୍ୟନ୍ତ 27ଟି ଟେଷ୍ଟ, 53ଟି ଦିନିକିଆ ଏବଂ 10ଟି ଟି-20 ଖେଳିଛନ୍ତି ଯେଉଁଥିରେ ସେ ଯଥାକ୍ରମେ 87, 75 ଏବଂ 7ଟି ୱିକେଟ ନେଇଛନ୍ତି।
@IANS
