ମେଲବର୍ଣ୍ଣ: ଆଇସିସି ମହିଳା ଟି-20 ବିଶ୍ବକପ ସେମିଫାଇନାଲରେ ପ୍ରବେଶ କରିଛି ଡିଫେଣ୍ଡିଂ ଚମ୍ପିଆନ ଅଷ୍ଟ୍ରେଲିଆ । ନ୍ୟୁଜିଲାଣ୍ଡକୁ ହରାଇ ଗ୍ରୁପ-ଏରୁ 2ୟ ଦଳ ଭାବେ ସେମି ଟିକେଟ ହାତେଇଛି ଘରୋଇ ଦଳ ।
ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ନିର୍ଦ୍ଧାରିତ 20 ଓଭରରେ 155 ରନ କରିଥିଲା ଦଳ ପକ୍ଷରୁ ବେଥ ମୋନି 50 ବଲରୁ 60 ରନର ଅର୍ଦ୍ଧଶତକୀୟ ଇଂନିସ ଖେଳିଥିଲେ । ପରେ 156 ରନର ବିଜୟ ଲକ୍ଷ୍ୟକୁ ପିଛା କରିଥିଲା ନ୍ୟୁଜିଲାଣ୍ଡ । ମାତ୍ର ଘରୋଇ ଦଳର ବୋଲର କିୱି ଟିମକୁ 151 ରନରେ ଅଟକାଇ ଦେଇଥିଲେ । ଫଳରେ ବିଜୟ ଠାରୁ 5 ରନ ଦୂରରେ ରହିଯାଇଥିଲା ନ୍ୟୁଜିଲାଣ୍ଡ ।
ଡିଫେଣ୍ଡିଂ ଚମ୍ପିଆନ ଅଷ୍ଟ୍ରେଲିଆ 4 ରନରେ ବିଜୟ ହେବାସହ ବିଶ୍ବକପ ସେମିଫାଇନାଲରେ ପ୍ରବେଶ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
