ସିଡନି: ସ୍ପଷ୍ଟ ହୋଇଛି ଆଇିସିସି ମହିଳା ଟି-20 ବିଶ୍ବକପର ସେମିଫାଇନାଲ ରାସ୍ତା । ଗୁରୁବାର ଖେଳାଯିବ ବିଶ୍ବକପର ସେମିଫାଇନାଲ ମୁକିବିଲା । ଭାରତୀୟ ଦଳ ସେମିରେ ଇଂଲଣ୍ଡକୁ ଭେଟିବ । ଅନ୍ୟପଟେ ଦକ୍ଷିଣ ଆଫ୍ରିକା ସହ ମୁହାଁମୁହିଁ ହେବ ଡିଫେଣ୍ଡିଂ ଚମ୍ପିଆନ ଅଷ୍ଟ୍ରେଲିଆ ।
ଚଳିତ ମହିଳା ଟି-20 ବିଶ୍ବକପରେ ଭାରତୀୟ ଦଳ ଦମଦାର ପ୍ରଦର୍ଶନ କରିଛି । ଲିଗ ପର୍ଯ୍ୟାୟରେ ଅପରାଜେୟ ରହିବା ସହ ସେମିରେ ପ୍ରବେଶ କରିଛି । ପ୍ରଥମେ ଅଷ୍ଟ୍ରେଲିଆକୁ 17ରେ ହରାଇ ବିଜୟରୁ ଅଭିଯାନ ଆରମ୍ଭ କରିଥିଲା ହରମନପ୍ରିତ ବାହିନୀ । ପରେ ବାଂଲାଦେଶକୁ 18 ରନରେ, ନ୍ୟୁଜିଲାଣ୍ଡକୁ 3 ରନରେ ଓ ଶେଷରେ ଶ୍ରୀଲଙ୍କାକା ବିପକ୍ଷରେ 7 ୱିକେଟରେ ବିଜୟୀ ହୋଇଥିଲା ଭାରତ । ତେବେ ଚଳିତ ବିଶ୍ବକପରେ ପ୍ରଥମଥର ଇଂଲଣ୍ଡ ସହ ମୁହାଁମୁହିଁ ହେବ ଭାରତୀୟ ଦଳ ।
ବ୍ୟୁରୋ ରିପୋର୍ଟ, ଇଟିଭି ଭାରତ
