ଚେନ୍ନାଇ: ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ମହିଳା କ୍ରିକେଟରଙ୍କ ଏକ ପ୍ରଦର୍ଶନୀ ଟି-20 ମ୍ୟାଚ ଆୟୋଜନ କରୁଛି । ଯାହାକି ଆଇପିଏଲର ପ୍ଲେ ଅଫ ମ୍ୟାଚ ଗୁଡିକ ସହିତ ଖେଳାଯିବ । ଏଥିରେ ବିଭିନ୍ନ 6ଟି ଦେଶର ଖେଳାଳି ସାମିଲ ହେବେ । ଗତବର୍ଷ ମଧ୍ୟ ଆଇପିଏଲ ସମୟରେ ଏହି ପ୍ରଦର୍ଶନୀ ମ୍ୟାଚ ମୁମ୍ବାଇରେ ଆୟୋଜନ କରାଯାଇଥିଲା ।
ଅଧିକ ପଢନ୍ତୁ: ଭାରତୀୟ ପୁରୁଷ ହକିଦଳର ମୁଖ୍ୟ କୋଚ୍ ହେଲେ ଗ୍ରାହମ ରୀଡ
ତେବେ ଆପଣ ଏହାକୁ ମହିଳା କ୍ରିକେଟର ଆଇପିଏଲ କହିପାରିବେ । କାରଣ ମହିଳା କ୍ରିକେଟ ପାଇଁ ଆଇପିଏଲ ଭଳି କିଛି ଏଣ୍ଟରଟେନିଂ ଘରୋଇ କ୍ରିକେଟ ଲିଗ ଖେଳାଯାଉ ନଥିବା ବେଳେ ବିସିସିଆଇ ଏଭଳି ପ୍ରଦର୍ଶନୀ ମ୍ୟାଚର ଆୟୋଜନ କରୁଛି । ସୂଚନା ମୁତାବକ ଏହା ଏକ ତ୍ରିକୋଣୀୟ ଲଢେଇ ହେବ । ଗତବର୍ଷ ଏହି ପ୍ରଦର୍ଶନୀ ମ୍ୟାଚ ଟ୍ରାଏଲବ୍ଲେଜର୍ସ ଓ ସୁପରନୋଭାସ ମଧ୍ୟରେ ହୋଇଥିଲା । ହରମାନପ୍ରୀତ୍ କୌର ଟ୍ରାଏଲବ୍ଲେଜର୍ସର ଅଧିନାୟକ ହୋଇଥିବା ବେଳେ ସୁପରନୋଭାସର ଅଧିନାୟକ ଥିଲେ ସ୍ମୃତି ମାନ୍ଧାନା । ଏହି ମୁକାବିଲାରେ କୌରଙ୍କ ଟ୍ରଏଲବ୍ଲେଜର୍ସ ମଦ୍ଦାନାଙ୍କ ସୁପରନୋଭାସକୁ 3 ୱିକେଟରେ ପରାସ୍ତ କରିଥିଲା ।
ଅଧିକ ପଢନ୍ତୁ: ମାଲେସିଆ ବିପକ୍ଷ ମହିଳା ହକି ସିରିଜ: 3ୟ ମ୍ୟାଚ 4-4ରେ ଡ୍ର
ତେବେ ଚଳିତ ବର୍ଷ ଏଥିରେ ତିନୋଟି ଦଳ ଭାଗ ନେବାକୁ ଯାଉଛନ୍ତି । ଏହି ଦଳ ଗୁଡିକରେ ବିଭିନ୍ନ 6ଟି ଦେଶର ଟପ ମହିଳା ଖେଳାଳି ସାମିଲ ହେବେ । ଏହାର ଫାଇନାଲ ମ୍ୟାଚ ଚେନ୍ନାଇରେ ଖେଳାଯିବ, ଯେଉଁଠାରେ ଆଇପିଏଲର ଫାଇନାଲ ଅନୁଷ୍ଠିତ ହେବାକୁ ଯାଉଛି ।
