ଆଣ୍ଟିଗୁଆ: ଏଠାରେ ଭାରତ-ୱେଷ୍ଟଇଣ୍ଡିଜ ମଧ୍ୟରେ ଗୁରୁବାରଠୁ ପ୍ରଥମ ଚେଷ୍ଟ ମ୍ୟାଚ ଆରମ୍ଭ ହୋଇଛି । ପ୍ରଥମେ ଟସ ଜିତି ୱେଷ୍ଟଇଣ୍ଡିଜ କ୍ୟାପଟେନ ଜେସନ ହୋଲ୍ଡର ଫିଲ୍ଡିଂ ନିଷ୍ପତ୍ତି ନେଇଥିଲେ । ଫଳରେ ପ୍ରଥମ ଇଂନିସ ବ୍ୟାଟିଂ ଆରମ୍ଭ କରିଥିଲା ଭାରତ ।
ତେବେ ଆରମ୍ଭରୁ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଛି ଭାରତ । ମାତ୍ର 25 ରନରେ 3 ୱିକେଟ ହରାଇ ସଂକଟରେ ପଡିଛି ଟିମ ଇଣ୍ଡିଆ । ଓପନର ମୟଙ୍କ ଅଗ୍ରୱାଲ ମାତ୍ର 5 ରନ କରି ଦଳୀୟ ସ୍କୋର 5ଥିବା ବେଳେ କେମାର ରୋଚଙ୍କ ଶୀକାର ହୋଇଥିଲେ । ପରେ2ୟ ୱିକେଟ ଭାବେ ଚେତେଶ୍ବର ପୁଜାରା 2ରନ କରି ଆଉଟ ହୋଇଥିଲେ ।
ତେବେ ସବୁଠୁ ବଡ ଝଟକା କ୍ୟାପଟେନ ବିରାଟଙ୍କ ୱିକେଟ ଭାବରେ ଟିମ ଇଣ୍ଡିଆକୁ ଲାଗିଥିଲା । ଫର୍ମରେ ଥିବା ବିରାଟ ମାତ୍ର 9 ରନ କରି ଆଉଟ ହୋଇଥିଲେ । ଏହାପରେ ଭାରତୀୟ ପାଳିକୁ ସମ୍ଭାଳିଛନ୍ତି ରାହୁଲ ଓ ରାହେଣେ ।
