ନୂଆଦିଲ୍ଲୀ: ଆଜି(ରବିବାର) ବିରେନ୍ଦ୍ର ସେହ୍ବାଗଙ୍କର ଜନ୍ମଦିନ । କିକ୍ରେଟରେ ବିସ୍ଫୋରକ ଓପନର ଭାବେ ପରିଚିତ ଏହି ମହାନ ଖେଳାଳୀ ଆଜି 41 ବର୍ଷରେ ପାଦ ଥାପିଛନ୍ତି । ତେବେ ଜନ୍ମଦିନ ଅବସରରେ ତାଙ୍କୁ ଟ୍ବିଟରରେ ଶୁଭେଚ୍ଛାର ସୁଅ ଛୁଟୁଛି । ଏପରିକି ଟ୍ବିଟରରେ ହାସଟ୍ୟାଗ ହାପି ବାର୍ଥ ଡେ ସେହ୍ବାଗ ଓ ହାପି ବାର୍ଥ ଡେ ବୀରୁ ଟ୍ରେଣ୍ଡ କରୁଛି ।
ତେବେ ତାଙ୍କ ଜନ୍ମ ଦିବସ ଅବସରରେ ଆସନ୍ତୁ ନଜର ପକାଇବା ତାଙ୍କର କ୍ରିକେଟ କ୍ୟାରିୟର ଉପରେ । 1999ରୁ ଭାରତୀୟ ଦଳରେ ସ୍ଥାନ ପାଇଥିବା ସେହ୍ବାଗ ତାଙ୍କ ଶେଷ ଅନ୍ତର୍ଜାତୀୟ ମ୍ୟାଚ 2013 ମସିହାରେ ଖେଳିଛନ୍ତି । ଏହାରି ଭିତରେ ସେ 104ଟି ଟେଷ୍ଟ ମ୍ୟାଚ୍, 251ଟି ଓଡିଆଇ,19ଟି ଟି-ଟ୍ବେଣ୍ଟି ମ୍ୟାଚ୍ ଖେଳିଛନ୍ତି ।
ସେ 104ଟି ଟେଷ୍ଟ ମ୍ୟାଚ୍ ଖେଳି 8586 ରନ କରିଥିବାବେଳେ 251ଟି ଓଡିଆଇ ଖେଳି 8273 ଓ 19ଟି ଟି-ଟ୍ବେଣ୍ଟି ଖେଳି 394 ରନ କରିଛନ୍ତି । ଟେଷ୍ଟରେ ତାଙ୍କର ସର୍ବାଧିକ ସ୍କୋର 319ରନ ହୋଇଥିବାବେଳେ ଓଡିଆଇରେ 219 ଓ ଟି-ଟ୍ବେଣ୍ଟି 68 ରନ ରହିଛି ।
