ହାଇଦ୍ରାବାଦ: ଗତ କିଛି ବର୍ଷ ମଧ୍ୟରେ ବନ୍ଦେ ଭାରତ କ୍ରେଜ୍ ବଢିବାରେ ଲାଗିଛି । ରେଳବାଇ ପକ୍ଷରୁ ପ୍ରତି ରାଜ୍ୟକୁ ଉପହାର ସ୍ବରୂପ ମିଳୁଛି ନୂଆ ନୂଆ ବନ୍ଦେ ଭାରତ । ବର୍ତ୍ତମାନ ସମୟରେ ଲକ୍ଜରି ି ଟ୍ରେନ କଥା ଆସିଲେ ଯାତ୍ରୀଙ୍କ ମନକୁ ଆସେ 'ବନ୍ଦେ ଭାରତ' ନାଁ । ବନ୍ଦେ ଭାରତର କେଉଁ ଫିଚର ପାଇଁ ତାହା ଏତେ ଲୋକପ୍ରିୟ ହୋଇପାରିଛି ଏବଂ ବିଦେଶରେ ମଧ୍ୟ କାହିଁକି ଏହାର ଚାହିଦା ବଢିଛି ଆସନ୍ତୁ ଜାଣିବା ।
'ବନ୍ଦେ ଭାରତ' ଜଲୱା:
ଗତ କିଛି ଦିନ ଧରି 'ବନ୍ଦେ ଭାରତ'କୁ ନେଇ ନୂଆ ନୂଆ ଖବର ସାମନାକୁ ଆସୁଛି । ଏହାର ଫିଚର, ସୁବିଧା ସୁଯୋଗ ଏବଂ ବେଗ ଆକର୍ଷଣର କେନ୍ଦ୍ର ବିନ୍ଦୁ ପାଲଟିଛି । କେବଳ ଭାରତ ଭିତରେ ନୁହେଁ, ଭାରତ ବାହାରେ ମଧ୍ୟ ବନ୍ଦେ ଭାରତର ଚାହିଦା ବଢ଼ିବାରେ ଲାଗିଛି । ଏହାରି ଭିତରେ କାନାଡା, ଚିଲି ଏବଂ ମ୍ୟାଲେସିଆ ଭଳି ଦେଶ ସମେତ ଅନ୍ୟ କେତେକ ଦେଶ 'ବନ୍ଦେ ଭାରତ' କିଣିବାକୁ ମନ ବଳାଇଛନ୍ତି ।
କାହିଁକି ବଡୁଛି 'ବନ୍ଦେ ଭାରତ' କ୍ରେଜ୍ ?
୧. ବିଦେଶରେ ଅନ୍ୟ ଟ୍ରେନ ତୁଳନାରେ 'ବନ୍ଦେ ଭାରତ'ର ମୂଲ୍ୟ କମ । କାରଣ ଅନ୍ୟ ଦେଶମାନଙ୍କରେ ବନ୍ଦେ ଭାରତ ଭଳି ଟ୍ରେନର ଦାମ ୧୬୦-୧୮୦କୋଟି ଟଙ୍କା ରହିଥିବାବେଳେ ଭାରତରେ ଏହି ଟ୍ରେନ ୧୨୦-୧୩୦କୋଟି ଟଙ୍କା ରହିଛି ।
୨. କୁହାଯାଏ, ଫ୍ଲାଇଟରୁ ବି ଅଧିକ ସୁବିଧା ବନ୍ଦେ ଭାରତ ଏକ୍ରେପ୍ରେସ ଟ୍ରେନରେ ରହିଛି । କାରଣ ବିମାନ ତୁଳନାରେ ବନ୍ଦେ ଭାରତରେ ୧୦୦ଗୁଣା କମ୍ ଶବ୍ଦ ଶୁଣା ଯାଇଥାଏ ।
୩. ଜାପାନର ବୁଲେଟ ଟ୍ରେନ ସ୍ପିଡକୁ ବି ପଛରେ
ପକାଇଛି ବନ୍ଦେ ଭାରତ । ଏହି ବୁଲେଟ୍ ଟ୍ରେନ ଘଣ୍ଟା ପ୍ରତି 0-100 କିଲୋମିଟରରୁ ତ୍ବରାନ୍ବିତ କରିବାକୁ 54 ସେକେଣ୍ଡ ସମୟ ନେଇଥାଏ । କିନ୍ତୁ ବନ୍ଦେ ଭାରତ ଏକ୍ସପ୍ରେସ ମାତ୍ର 52 ସେକେଣ୍ଡରେ ଘଣ୍ଟା ପ୍ରତି 0-100 କିଲୋମିଟର ବେଗରେ ଚାଲିବା ଆରମ୍ଭ କରେ ।
ଏହା ବି ପଢନ୍ତୁ...କୋଇଲା କି ବିଜୁଳି ନୁହେଁ ଏବେ ଗ୍ୟାସରେ ଖୁବଶୀଘ୍ର ଗଡିବ ହାଇଡ୍ରୋଜେନ ଟ୍ରେନ - Hydrogen Train ଏହା ମଧ୍ୟ ପଢନ୍ତୁ-ପୂର୍ବତଟ ରେଳବାଇର ବଡ଼ ସୂଚନା, ଟ୍ରେନରେ ଲାଗିବ ସୁରକ୍ଷା 'କବଚ' - Kavach To Prevent Accident |
ବନ୍ଦେ ଭାରତ ରପ୍ତାନି:
ବନ୍ଦେ ଭାରତ ଏକ୍ସପ୍ରେସ ରପ୍ତାନି ପାଇଁ ଭାରତର ସରକାରଙ୍କ ପକ୍ଷରୁ ଚାଲିଛି ଜୋରଦାର ପ୍ରସ୍ତୁତି । ବନ୍ଦେ ଭାରତ ଟ୍ରେନ ଓ ବନ୍ଦେ ଭାରତ ମେଟ୍ରୋର ରପ୍ତାନି ଦିଗରେ ଫୋକସ କରୁଛନ୍ତି ସରକାର । କାରଣ ଏହାର ଅତ୍ୟାଧୁନିକ ଫିଚର୍ସ ପାଇଁ ବିଦେଶରେ ମଧ୍ୟ ବନ୍ଦେ ଭାରତର ଚାହିଦା ବଢିବାରେ ଲାଗିଛି । ବିଦେଶକୁ ଏହି ଟ୍ରେନ ରପ୍ତାନି ହେବା ଦ୍ବାରା ଦେଶର ଅର୍ଥନୀତିରେ ମଧ୍ୟ ଲାଭ ପହଞ୍ଚିବ ।
Delighted to welcome FM @AlbertoKlaveren of Chile today in Delhi.
— Dr. S. Jaishankar (@DrSJaishankar) August 28, 2024
Co-chaired a productive and wide-ranging 2nd India-Chile Joint Commission meeting. Discussed our cooperation in trade & investment, critical minerals, agriculture, defence, railways, health, space, culture and… pic.twitter.com/9a6wJ3UOgw
