ହାଇଦ୍ରାବାଦ: ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଗୁରୁବାର ନିଜ ଟ୍ବିଟର ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି । ଫଟୋରେ କ୍ୟାପସନ ଲେଖିଛନ୍ତି ‘Partners in crime (ଅପରାଧର ଭାଗୀଦାର)... ଅପରାଧ: ବାଉଣ୍ଡ୍ରିରେ ଫିଲ୍ଡରଙ୍କ ଠାରୁ ଡବଲ୍ସ ଚୋରି କରିବା। ଚିହ୍ନନ୍ତୁ କିଏ ?’
ତେବେ ଫଟୋରୁ ସ୍ପଷ୍ଟ ଜଣା ପଡୁଛି ଯେ କୋହଲିଙ୍କ ସହ ଧୋନି ଅଛନ୍ତି । ଆଉ ଧୋନି ହିଁ ଏମିତି ଜଣେ ଖେଳାଳି ଯିଏ ଫିଲ୍ଡରଙ୍କ ଠାରୁ ରନ ଚୋରି କିରିବାରେ ସିଦ୍ଧହସ୍ତ । ଏହି ଫଟୋକୁ ସେୟାର କରି ଧୋନିଙ୍କୁ ଖୁବ ମନେ ପକାଇଛନ୍ତି ବିରାଟ ।
ବିରାଟ କୋହଲିଙ୍କ ଫିଟନେସରେ ଗତ କିଛି ବର୍ଷ ହେବ ବେଶ ସୁଧାର ଆସିଛି । ୱିକେଟ ମଧ୍ୟରେ ସବୁଠାରୁ ଦୃତ ଗତିରେ ଦଉଡୁ ଥିବା ବ୍ୟାଟ୍ସମ୍ୟାନଙ୍କ ମଧ୍ୟରେ ତାଙ୍କ ନାଁ ରହିଛି । ତେବେ କୋହଲି ରନ ପାଇଁ କେବଳ ବାଉଣ୍ଡ୍ରି ପାଇଁ ନିର୍ଭର କରନ୍ତି ନାହିଁ, ସେ ଆଉଟ ଫିଲ୍ଟରେ ଫିଲ୍ଡରଙ୍କ ଠାରୁ ରନ ମଧୟ ଚୋରି କରନ୍ତି ।
ଧୋନିଙ୍କ ବ୍ୟତିତ ଅନ୍ୟ ସମସ୍ତ ବ୍ୟାଟ୍ସମ୍ୟାନଙ୍କୁ କୋହଲିଙ୍କ ସହ ୱିକେଟ ମଝିରେ ଦୌଡିବା ପାଇଁ ଖୁବ ସଂଘର୍ଷ କରିବାକୁ ପଡେ । ଧୋନି ଓ କୋହଲି ଖୁବ ଜୋରରେ ୱିକେଟ ମଝିରେ ରନ ସଂଗ୍ରହ କରନ୍ତି ।
ତେବେ ଧୋନି ଫ୍ୟାନ୍ସଙ୍କ ପାଇଁ ଖୁସି ଖବର ହେଉଛି ଧୋନି ବ୍ରେକ ପରେ ପୁଣି ନେଟକୁ ଫେରିଛନ୍ତି । ନିକଟରେ ରାଞ୍ଜି ଜେଏସସିଏ ଷ୍ଟାଡିଅମରେ ଧୋନି ଅଭ୍ୟାସ କରୁଥିବାର ଭିଡିଓ ଭାଇରାଲ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
