ହାଇଦ୍ରାବାଦ: ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜକୁ ଭାରତ କ୍ଲିନସୁଇପ୍ କରିଛି । ଭାରତର ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିବା ରୋହିତ୍ ଶର୍ମାଙ୍କୁ ପ୍ରଶଂସାରେ ପୋତି ପକାଇଛନ୍ତି କ୍ୟାପ୍ଟେନ କୋହଲି । ରୋହିତ ସିରିଜରେ ମୋଟ 529ରନ କରିଛନ୍ତି । ପ୍ରାରମ୍ଭିକ ଟେଷ୍ଟ କ୍ୟାରିଅରରେ ଶତକ ଓ ଦ୍ବିଶତକ ଯୋଡିଥିବାରୁ ତାଙ୍କୁ 'ମ୍ୟାନ ଅଫ ଦ ସିରିଜ' ଓ 3ୟ ମ୍ୟାଚ ପାଇଁ 'ମ୍ୟାନ ଅଫ ଦ ମ୍ୟାଚ' ଭାବେ ବିବେଚିତ କରାଯାଇଛି।
ବିରାଟ କହିଛନ୍ତି, "ଦିନିକିଆ କ୍ରିକେଟରେ ତ ରୋହିତ ଜଲୱା ମଚାଇଛନ୍ତି । ମାତ୍ର ଟେଷ୍ଟ କ୍ରିକେଟରେ ମଧ୍ୟ ସେ ସଫଳ ହେଲେ । ରୋହିତଙ୍କ ଓପନିଂ କଥାକୁ ନେଇ ଆମେ ବହୁତ ଚିନ୍ତା କରିଥିଲୁ । ଅନ୍ୟପଟେ ସିରିଜରେ ରୋହିତଙ୍କ ଦମଦାର ପ୍ରଦର୍ଶନ ବଳରେ ଆମ ପାଇଁ ବିଜୟ ସହଜ ହୋଇଛି । "
ସେହିପରି ଟେଷ୍ଟ ସିରିଜ୍ କ୍ଲିନସୁଇପ୍ କରିବାର ଶ୍ରେୟ ପୂରା ଟିମକୁ ଦେଇଛନ୍ତି। କୋହଲି କହିଛନ୍ତି, "ଆମେ ବିଶ୍ୱର କୌଣସି ସ୍ଥାନରେ ଜିତିପାରିବୁ । ମ୍ୟାଚର ଫଳାଫଳ ମାଇଣ୍ଡସେଟ୍ ଏବଂ ପରିଶ୍ରମ ଉପରେ ନିର୍ଭର କରେ । ବିଶ୍ୱର ସର୍ବଶ୍ରେଷ୍ଠ ଟିମ୍ ହେବା ପାଇଁ ଆମକୁ ସବୁ ବିଭାଗରେ ବେଷ୍ଟ ହେବାକୁ ପଡ଼ିବ । ଏଠାରେ ଆମକୁ ଯେଉଁ ବିଜୟ ମିଳିଛି, ତାହା ଚମତ୍କାର। ଏକ ଟିମ୍ ଭାବେ ଆମେ ଯେଉଁଭଳି ପ୍ରଦର୍ଶନ କଲୁ, ସେଥିରେ ଆମେ ଗର୍ବିତ ।"
