ଲଣ୍ଡନ: ଭାରତୀୟ କ୍ରିକେଟ ଟିମର ଅଧିନାୟକ ବିରାଟ ଓ ଦ୍ରୁତ ବୋଲର ଜସପ୍ରୀତ ବୁମରାହ ଓ୍ବିସଡେନ ଦ୍ବାରା ଚୟନ କରାଯାଇଥିବା ଏହି ଦଶନ୍ଧିର ଟି-20 ଟିମରେ ସ୍ଥାନ ପାଇଛନ୍ତି ।
ଏହି ଟିମର ଅଧିନାୟକ ଅଷ୍ଟ୍ରେଲିଆର ଏରୋନ ଫିଞ୍ଚ ରହିଛନ୍ତି । ଓ୍ବିସଡେନ କୋହଲିଙ୍କୁ ନେଇ କହିଛିଯେ, କୋହଲିଙ୍କ ଘରୋଇ ଟି-20 ରେକର୍ଡ ଭଲ ହୋଇନଥାଇ ପାରେ । କିନ୍ତୁ ଅନ୍ତରାଷ୍ଟ୍ରୀୟ ସ୍ତରରେ ତାଙ୍କର ଆଭରେଜ 53 ରହିଛି । ଯାହା ଏହି ଦଶନ୍ଧିର ଶ୍ରେଷ୍ଠ ।
କୋହଲିଙ୍କୁ ଓ୍ବିସଡେନର ଦିନିକିଆ ଓ ଟେଷ୍ଟ ଟିମରେ ବି ସାମିଲ କରାଯାଇଛି । ଏଥିସହ ଓ୍ବିସଡେନ ଦଶନ୍ଧିର ସର୍ବଶ୍ରେଷ୍ଠ 5କ୍ରିକେଟରଙ୍କ ମଧ୍ୟରେ ବି ବିରାଟ ରହିଛନ୍ତି ।
ଓ୍ବିସଡେନ ଦଶନ୍ଧିର ଟି-20ଟିମ:
ଏରୋନ ଫିଞ୍ଚ(ଅଧିନାୟକ), କୋଲିନ ମୁନରୋ, ବିରାଟ କୋହଲି, ଶେନ ଓ୍ବାଟସନ, ଗ୍ଲେନ ମ୍ୟାକ୍ସଓ୍ବେଲ, ଜୋସ ବଟଲର, ମହମ୍ମଦ ନବୀ, ଡେଭିଡ ଓ୍ବିଲେ, ରାଶିଦ ଖାନ, ଜସପ୍ରୀତ ବୁମରାହ, ଲସିଥ ମଲିଙ୍ଗା ।
