ହାଇଦ୍ରାବାଦ: ଟିମ ଇଣ୍ଡିଆ କ୍ୟାପଟେନ ବିରାଟ କୋହଲିଙ୍କୁ ଇଂଲଣ୍ଡ ଟେଷ୍ଟ କ୍ୟାପଟେନ ଜୋ ରୁଟଙ୍କ ପ୍ରଶଂସା । କ୍ରିକେଟର ସମସ୍ତ ଫର୍ମାଟରେ 'ସର୍ବାଧିକ ସଂପୂର୍ଣ୍ଣ ଖେଳାଳି' ଭାବେ କୋହଲିଙ୍କୁ ସମ୍ବୋଧନ କରିଛନ୍ତି ରୁଟ ।
ଏଥିସହିତ ଦିନିକିଆ କ୍ରିକେଟରେ ବିଜୟ ଲକ୍ଷ୍ୟକୁ ସଫଳ ପିଛା କରିବାର କୌଶଳରେ ବିରାଟ ଅନନ୍ୟ ବୋଲି ଇଂଲଣ୍ଡ କ୍ରିକେଟର ରୁଟ କହିଛନ୍ତି । ସାଥୀ ଖେଳାଳି ଜସ ବଟଲରଙ୍କୁ ଦିନିକିଆ ଫର୍ମାଟରେ ବର୍ତ୍ତମାନ ସମୟର ଦକ୍ଷ ବ୍ୟାଟ୍ସମ୍ୟାନ କହିଛନ୍ତି ରୁଟ ।
ବିଶ୍ବ ଟେଷ୍ଟ କ୍ରିକେଟରେ ବିରାଟ କୋହଲି, ନ୍ୟୁଜିଲାଣ୍ଡ କ୍ୟାପଟେନ କେନ ୱିଲିୟମସନ, ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ ଷ୍ଟିଭ ସ୍ମିଥ ଓ ଜୋ ରୁଟଙ୍କୁ ବର୍ତ୍ତମାନ ସମୟର ଶ୍ରେଷ୍ଠ ବ୍ୟାଟ୍ସମ୍ୟାନ ଭାବେ ଗଣାଯାଏ । ତେବେ 3ଟି ଫର୍ମାଟରେ ବିରାଟଙ୍କୁ ଅନ୍ୟମାନଙ୍କ ତୁଳନାରେ ଅଧିକ ଦକ୍ଷ ଖେଳାଳି ।
ବର୍ଷ 2014ରେ ପ୍ରଥମ ଇଂଲଣ୍ଡ ଗସ୍ତରେ ରନ ସଂଗ୍ରହ ପାଇଁ ସଂଘର୍ଷ କରୁଥିବାର ନଜର ଆସିଥିଲେ କୋହଲି । ମାତ୍ର 2018 ଗସ୍ତରେ ଇଂଲଣ୍ଡ ବିପକ୍ଷରେ ସମସ୍ତ ଫର୍ମାଟରେ 894 ରନ ସଂଗ୍ରହ କରି ସମସ୍ତଙ୍କୁ ପ୍ରଭାବିତ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
