ଗୁୟାନା: ଟି20 ସିରିଜକୁ 3-0ରେ କ୍ଳିନ ସୁଇପ କରିବାପରେ, ଟିମ ଇଣ୍ଡିଆ ଟାର୍ଗେଟରେ ଏବେ ଦିନିକିଆ ସିରିଜ ହାତେଇବା । ଆଜିଠୁ ଆରମ୍ଭ ହେବ ଭାରତ-ୱେଷ୍ଟଇଣ୍ଡିଜ ମଧ୍ୟରେ 3ଟିକିଆ ଦିନିକିଆ ସରିଜର ପ୍ରଥମ ମୁକାବିଲା । ତେବେ ଆଜିର ମ୍ୟାଚରେ ଟିମ ଇଣ୍ଡିଆର ଅଧିନାୟକ ବିରାଟ କୋହିଲ ରେକର୍ଡ ସୃଷ୍ଟି କରାପାରନ୍ତି ।
ତେବେ ଆଜିର ମ୍ୟାଚରେ କୋହଲି ମାତ୍ର 19ରନ କରିବା କ୍ଷଣି ଇଣ୍ଡିଜ ବିପକ୍ଷରେ ସର୍ବାଧିକ ରନ ହାସଲ କରିଥିବା ଖେଳାଳୀ ହୋଇଯିବେ । ବର୍ତ୍ତମାନ ଏହି ରେକର୍ଡ ପାକିସ୍ତାନର ଦିଗଜ୍ଜ ଖେଳାଳୀ ଜାଓ୍ବେଦ ମିୟାଂଦାଦଙ୍କ ନାଁରେ ରହିଛି ।
ଏହା ମଧ୍ୟ ପଢନ୍ତୁ:ଆଜି ଭାରତ-ୱେଷ୍ଟଇଣ୍ଡିଜ, ପ୍ରଥମ ଦିନିକିଆ
ମିୟାଂଦାଦ ଇଣ୍ଡିଜ ବିପକ୍ଷରେ 64 ଦନିକିଆ ମ୍ୟାଚ ଖେଳି 1930ରନ ହାସଲ କରିଛନ୍ତି । ତାଙ୍କ ପରେ 2ୟ ସ୍ଥାନରେ କୋହିଲଙ୍କ ନାଁ ରହିଛି । ବର୍ତ୍ତମାନ ସୁଦ୍ଧା କୋହଲି 33ଟି ଦିନିକିଆ ମ୍ୟାଚ ଇଣ୍ଡିଜ ବିପକ୍ଷରେ ଖେଳି 1912ରନ ହାସଲ କରିଛନ୍ତି । ତେବେ ଆଜିର ମ୍ୟାଚରେ 19ରନ ହାସଲ କରିବା ମାତ୍ରେ ହିଁ ମିୟାଂଦାଦଙ୍କ ରେକର୍ଡ ଭାଙ୍ଗି ଦେବେ କୋହଲି ।
