ହାଇଦ୍ରାବାଦ: ଅନ୍ତର୍ଜାତୀୟ କ୍ରିକେଟକୁ ଫେରିବାକୁ ଚିନ୍ତିତ ନୁହଁନ୍ତି ଟିମ ଇଣ୍ଡିଆର ଷ୍ଟାର ଅଲରାଉଣ୍ଡର ବିଜୟ ଶଙ୍କର । 29ବର୍ଷିୟ ବିଜୟ ଭାରତୀୟ ଦଳରେ ଶେଷଥର ପାଇଁ ୱେଷ୍ଟଇଣ୍ଡିଜ ବିପକ୍ଷରେ 2019 ବିଶ୍ବକପରେ ଖେଳିଥିଲେ । ତେବେ ଏହି ମ୍ୟାଚ ପରେ ଆହତ ହୋଇ ସଂପୂର୍ଣ୍ଣ ଟୁର୍ଣ୍ଣାମେଣ୍ଟରୁ ବାଦ ପଡିଥିଲେ ବିଜୟ ।
କ୍ରିକେଟର 3ଟି ଫର୍ମାଟରେ ଦମଦାର ପ୍ରଭାବି ପ୍ରଦର୍ଶନ କରି ସମସ୍ତଙ୍କ ଧ୍ୟାନ ଆକର୍ଷଣ କରିଥିଲେ ବିଜୟ ଶଙ୍କର । ବିଶ୍ବକପରେ ପାକିସ୍ତାନ ବିପକ୍ଷରେ ଦମଦାର ପ୍ରଦର୍ଶନ କରି ସମସ୍ତ ଭାରତୀୟଙ୍କ ହୃଦୟ ଜିତିଥିଲେ । ତେବେ ଆହତ ସମସ୍ୟାରୁ ମୁକୁଳିପାରିନଥିବାରରୁ ଅନ୍ତର୍ଜାତୀୟ କ୍ରିକେଟକୁ ଫେରିପାରିନାହାଁନ୍ତି ଏହି କ୍ରିକେଟର ।
ତେବେ ଏଥିପାଇଁ ସେ ଚିନ୍ତିତ ନୁହଁନ୍ତି ବୋଲି କହିଛନ୍ତି । ଆଇପିଏଲରେ ସନରାଇଜର୍ସ ହାଇଦ୍ରାବାଦର ଷ୍ଟାର ଖେଳାଳି ରହିଛନ୍ତି ବିଜୟ ଶଙ୍କର ।
