କଟକ: କର ବା ମର ମ୍ୟାଚରେ ପରାଜୟ ହେବା ପରେ ଏମିତି କିଛି କହିଛନ୍ତି ଇଣ୍ଡିଜ ବ୍ୟାଟ୍ସମ୍ୟାନ ନିକୋଲାସ ପୁରନ । ଆମେ ମଧ୍ୟ ଶ୍ରେଷ୍ଠ ଦଳ ଓ ଆମେ ଆମର ସମସ୍ତ ପ୍ରୟାସ କରିଛୁ ବୋଲି ମ୍ୟାଚ ପରବର୍ତ୍ତୀ ସାମ୍ବାଦିକ ସମ୍ମିଳନୀରେ କହିଛନ୍ତି ପୁରଣ ।
ପୁରଣ କହିଛନ୍ତି, "ଟସର ଭୂମିକା ଗୁରୁତ୍ବପୂର୍ଣ୍ଣ ଥିଲା । ଆମେ ମଧ୍ୟ ଟସ ଜିତି ବୋଲିଂ କରିବାକୁ ଚିନ୍ତା କରିଥିଲୁ । କାରଣ ଷ୍ଟାଡିୟମରେ କୁହୁଡି ଫ୍ୟାକ୍ଟର ବଡ ସମସ୍ୟା ଥିଲା । ମାତ୍ର ଆମେ ପ୍ରଥମ ବ୍ୟାଟିଂରେ ମଧ୍ୟ 315ରନର ବଡ ସ୍କୋର କରିଥିଲୁ । ଏହି ୱିକେଟରେ ଏହା ଆଶା କରାଯାଉଥିଲା । ମାତ୍ର ଶେଷ ଆଡକୁ ଆମ ବୋଲିଂର ଲାଇନ ଲେନ୍ଥ ଠିକ ରହିପାରିଲା ନାହିଁ । ଯାହା ଫଳରେ ଭାରତ ପୁଣିଥରେ ନିଜକୁ ଶ୍ରେଷ୍ଠ ଦଳ ଭାବେ ପ୍ରମାଣିତ କରିନେଲା । ଯଦିଓ ଭାରତ ଗୋଟେ ଦୃଷ୍ଟ ଦଳ । ମାତ୍ର ଆମର ବିଶ୍ବାସ ଥିଲା ଯେ, ଆମେ ଟି-20 ପରେ ଦିନିକିଆ ସିରିଜ ଜିତିପାରିଥାନ୍ତୁ । "
ଉଲ୍ଳେଖଥାଉ କି, ଡିସାଇଡର ମ୍ୟାଚରେ ବିପକ୍ଷ ଇଣ୍ଡିଜକୁ 4 ୱିକେଟରେ ମାତ ଦେଇଛି ବିରାଟ ବାହିନୀ । ଘରୋଇ ଦିନିକିଆ ସିରିକୁ 2-1ରେ ଜିତି ନେଇଛି ଟିମ ଇଣ୍ଡିଆ । ଗେମ ଚେଞ୍ଜର ସାଜିଥିବା କ୍ୟାପ୍ଟେନ କୋହଲିଙ୍କୁ ମିଳିଛି ମ୍ୟାନ ଅଫ ଦ ମ୍ୟାଚ ।
