ହାଇଦ୍ରାବାଦ: ମହାମାରୀ କୋରୋନା ଭାଇରସ ଯୋଗୁଁ ସ୍ଥଗିତ ହୋଇପାରେ ଆଉ ଏକ ମେଗା କ୍ରୀଡା ଇଭେଣ୍ଟ । ଫଟାଫଟ କ୍ରିକେଟର ମହାକୁମ୍ଭ ଟି-20 ବିଶ୍ବକପ 2020 ସ୍ଥଗିତ ହେବାର ନିଷ୍ପତି ହୋଇଥିବା ସୂଚନା ମିଳିଛି । ତେବେ ଏନେଇ ଆନୁଷ୍ଠାନିକ ଭାବେ ଆସନ୍ତା ସପ୍ତାହରେ ଘୋଷଣା ହେବା ବୋଲି ଜଣାପଡିଛି ।
ଅଷ୍ଟ୍ରେଲିଆରେ ଅକ୍ଟୋବରରୁ ନଭେମ୍ବର ମଧ୍ୟରେ ଟି-20 ବିଶ୍ବକପ ଖେଳାଯିବା ନେଇ ସୂଚୀ ରହିଥିଲା । ତେବେ ଆସନ୍ତା ବର୍ଷ କେଉଁ ସମୟରେ ଏହି ଟୁର୍ଣ୍ଣାମେଣ୍ଟ ଆୟୋଜନ ହେବ ତାକୁ ନେଇ ଚିତ୍ର ସ୍ପଷ୍ଟ ହୋଇନଥିବା ଜଣାପଡିଛି ।
ଆୟୋଜକ କ୍ରିକେଟ ଅଷ୍ଟ୍ରେଲିଆ ଓ ଅନ୍ତର୍ଜାତୀୟ କ୍ରିକେଟ ପରିଷଦ ମଧ୍ୟରେ ଏନେଇ ଆଲୋଚନା ଜାରି ରହିଥିବା କୁହାଯାଉଛି ।
