ହାଇଦ୍ରାବାଦ: ଇଣ୍ଡିଆନ ପ୍ରିମିୟର ଲିଗର ଆଗାମୀ ସଂସ୍କରଣ ପୂର୍ବରୁ ବାମହାତୀ ଦ୍ରୁତ ବୋଲର ଟି. ନଟରାଜନ ଗୁରୁବାର ସନରାଇଜର୍ସ ହାଇଦ୍ରାବାଦ ସ୍କ୍ବାଡରେ ସାମିଲ ହୋଇଛନ୍ତି ।
ହାଇଦ୍ରାବାଦ ଫ୍ରାଞ୍ଜାଇଜ ଅଫିସିଆଲ ଟ୍ବିଟ ଆକାଉଣ୍ଟରେ ଏନେଇ ଘୋଷଣା କରିବା ସହ, ନଟରାଜନଙ୍କ ଉଦ୍ଦେଶ୍ୟରେ ଆମର ୟର୍କର କିଙ୍ଗ ଯୋଗଦେଲେ ବୋଲି ସୂଚନା ଦେଇଛି ।
ଇଂଲଣ୍ଡ ବିପକ୍ଷରେ ନିକଟରେ ଖେଳାଯାଇଥିବା ଭାରତୀୟ ଟି-20 ଓ ଦିନିକିଆ ଦଳର ସଦସ୍ୟ ରହିଥିଲେ ନଟରାଜନ । ଇଂଲଣ୍ଡ ବିପକ୍ଷରେ ଗୋଟିଏ ଟି-20 ଓ ଗୋଟିଏ ଦିନିକିଆ ମ୍ୟାଚରେ ଚୂଡାନ୍ତ ଏକାଦଶରେ ନଟରାଜନଙ୍କୁ ସୁଯୋଗ ମିଳିଥିଲା ।
ଦିନିକିଆ ସିରିଜର ନିର୍ଣ୍ଣାୟକ ମ୍ୟାଚରେ ଇଂଲଣ୍ଡ ଶେଷ ଓଭରରେ 14 ରନ ବିଜୟ ପାଇଁ ଆବଶ୍ୟକ କରୁଥିଲା । ତେବେ ନଟରାଜନ ଶେଷ ଓଭର ବୋଲିଂ କରିବା ସହ ଭାରତକୁ ରୋମାଞ୍ଚକର ବିଜୟ ଭେଟି ଦେଇଥିଲେ । ଫର୍ମରେ ଥିବା ଇଂଲିସ ଅଲରାଉଣ୍ଡର ବେନ ଷ୍ଟୋକ୍ସଙ୍କ ଗୁରୁତ୍ବପୂର୍ଣ୍ଣ ୱିକେଟ ହାସଲ କରି ଭାରତର ବିଜୟ ସୁନିଶ୍ଚିନ୍ତ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
