ନୂଆଦିଲ୍ଲୀ: ଦ୍ୱିତୀୟ ସନ୍ତାନର ପିତା ହେଲେ ଭାରତୀୟ କ୍ରିକେଟର ସୁରେଶ ରୈନା । ରୈନା ଏକ ପୁତ୍ର ସନ୍ତାନର ପିତା ହୋଇଛନ୍ତି । ପତ୍ନୀ ପ୍ରିୟଙ୍କା ଓ ରୈନାଙ୍କର ପୂର୍ବରୁ ଏକ ଝିଅ ରହିଛି । ମେ 2016ରେ ଝିଅ ଗ୍ରାସିଆ ରୈନା ଜନ୍ମଙ୍କୁ ଜନ୍ମ ହୋଇଥିଲା ।
ଇଣ୍ଡିଆନ ପ୍ରିମିୟର ଲିଗ(ଆଇପିଏଲ)ର ଚେନ୍ନାଇ ସୁପର କିଙ୍ଗ୍ସ ଦଳର ପ୍ରମୁଖ ଖେଳାଳି ରୈନା । ରୈନାଙ୍କ 2ୟ ଥର ପିତା ହେବା ଖବରରେ ଚେନ୍ନାଇ ସୁପର କିଙ୍ଗ୍ସ ଟ୍ୱିଟ କରି ଶୁଭେଚ୍ଛା ଜଣାଇଛି । ଟରବୋନେଟର ହରଭଜନ ସିଂହ ମଧ୍ୟ ଟ୍ୱିଟ କରି ମଜାଳିଆ ଅନ୍ଦାଜରେ ଶୁଭେଚ୍ଛା ଜଣାଇଛନ୍ତି ।
ରୈନା ଏକମାତ୍ର ଭାରତୀୟ ବ୍ୟାଟ୍ସମ୍ୟାନ ଭାବେ ଉଭୟ ଦିନିକିଆ ଓ ଟି-20 ବଶ୍ୱକପରେ ଶତକ ହାସଲ କରିବାର ରେକର୍ଡ କରିଛନ୍ତି । ଭାରତ ପକ୍ଷରୁ 18ଟି ଟେଷ୍ଟ, 226ଟି ଦିନିକିଆ ଓ 78 ଟି ଟି-20 ମ୍ୟାଚ ଖେଳିଛନ୍ତି । 2005ରେ ଶ୍ରୀଲଙ୍କା ବିପକ୍ଷରେ ରୈନା ଅନ୍ତର୍ଜାତୀୟ ଦିନିକିଆ ଡେବ୍ୟୁ କରିଥିଲେ । ପରେ 2010ରେ ପ୍ରଥମ ଟେଷ୍ଟ ଖେଳିବାର ସୁଯୋଗ ପାଇଥିଲେ ।
