ଚେନ୍ନାଇ: ତାମିଲନାଡୁ କ୍ରିକେଟ ଆସୋସିଏସନର ନୂଆ ସଭାପତି ହୋଇପାରନ୍ତି ରୂପା ଗୁରନାଥ । ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ପୂର୍ବତନ ଅଧ୍ୟକ୍ଷ ଏନ ଶ୍ରୀନିବାସନଙ୍କ ଝିଅ ହେଉଛନ୍ତି ରୂପା । ଏପରି ହେଲେ ରୂପା ବିସିସିଆଇ ଅନୁମୋଦିତ କୌଣସି ରାଜ୍ୟ କ୍ରିକେଟ ବୋର୍ଡର ପ୍ରଥମ ମହିଳା ସଭାପତି ହେବେ ।
ସେପ୍ଟମ୍ବର 26 ତାରିଖରେ ତାମିଲନାଡୁ କ୍ରିକେଟ ଆସୋସିଏସନର ନିର୍ବାଚନ ଅନୁଷ୍ଠିତ ହେବ। ସେପ୍ଟମ୍ବର 24 ତାରିଖ ପାର୍ଥିପତ୍ର ଦାଖଲର ଶେଷ ତାରିଖ ରହିଛି । ସଭାପତି ପଦ ପାଇଁ ରୂପା ଗୁରୁନାଥ ନାମାଙ୍କନ କରିଛନ୍ତି । ତେବେ ପାର୍ଥୀ ପତ୍ର ଦାଖଲ ପରେ ରୂପାଙ୍କ ପଲ୍ଲା ଭାରୀ ରହିଥିବା ଚର୍ଚ୍ଚା ହେଉଛି ।
