ଖ୍ରୀଷ୍ଟଚର୍ଚ୍ଚ: ଭାରତ-ନ୍ୟୁଜିଲାଣ୍ଡ ମଧ୍ୟରେ ଟେଷ୍ଟ ସିରିଜର 2ୟ ମ୍ୟାଚ ଖେଳାଯାଉଛି । ପ୍ରଥମ ଟେଷ୍ଟ ଭଳି 2ୟ ଟେଷ୍ଟରେ ମଧ୍ୟ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଛି ଭାରତୀୟ ଦଳ ।
କ୍ୟାପଟେନ ବିରାଟ କୋହଲିଙ୍କ ପାଇଁ ଏହି 2ଟି ଟିକିଆ ଟେଷ୍ଟ ସିରିଜ ପ୍ରଭାବୀ ହୋଇନାହିଁ । ଏମିତିକି ଟି-20 ଓ ଦିନିକିଆ ସିରିଜରେ ମଧ୍ୟ କୋହଲିଙ୍କ ଆଖିଦୃଶିଆ ପ୍ରଦର୍ଶନ ରହିନଥିଲା । ପ୍ରଥମ ଟେଷ୍ଟର ଉଭୟ ଇଂନିସରେ ଫେଲ ମାରିଥିଲେ କୋହଲି । 2ୟ ଟେଷ୍ଟର ପ୍ରଥମ ଇଂନିସରେ ମାତ୍ର 3 ରନ କରି ଆଉଟ ହୋଇଛନ୍ତି ବିରାଟ ।
ତେବେ କୋହଲିଙ୍କ ୱିକେଟ ପୁଣି ଅକ୍ତିଆର କରିଛନ୍ତି ଟିମ ସାଉଦୀ । ଏଥିସହିତ ବିଶ୍ବ କ୍ରିକେଟର ଅନ୍ୟତମ ସଫଳ କ୍ରିକେଟର କୋହଲିଙ୍କୁ 10 ଥର ଆଉଟ କରିବାରେ ପ୍ରଥମ ବୋଲର ହୋଇଛନ୍ତି ସାଉଦୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
