କେପଟାଉନ: ଦକ୍ଷିଣ ଆଫ୍ରିକା-ଇଂଲଣ୍ଡ ମଧ୍ୟରେ ଖେଳାଯାଉଥିବା 2ୟ ଟେଷ୍ଟର ପ୍ରଥମ ଦିନ ଖେଳ ଶେଷ ହୋଇଛି । ପ୍ରଥମ ଟସ ଜିତି ବ୍ୟାଟିଂ ନିଷ୍ପତ୍ତି କରିଥିଲା ଇଂଲଣ୍ଡ । ପ୍ରଥମ ଦିନ ଷ୍ଟମ୍ପ ଅପସାରଣ ସୁଦ୍ଧା, ଇଂଲଣ୍ଡର ସ୍କୋର 262/9 ରହିଛି ।
ଇଂଲଣ୍ଡ ପକ୍ଷରୁ ଶେଷ ଭାଗରେ ଲଢୁଆ ଇଂନିସ ଖେଳିଛନ୍ତି ଓଲି ପୋପ । ଅପରାଜିତ 56 ରନର ଇଂନିସ ଖେଳିଛନ୍ତି ଓଲି ପୋପ । କ୍ୟାପଟେନ ରୁଟ 35, ବେନ ଷ୍ଟୋକ୍ସ 47 ରନ କରି ଆଉଟ ହୋଇଛନ୍ତି । ଡୋମିନିକ ସିବଲି 34, ଜୋ ଡେନଲି 38 ଓ ଜସ ବଟଲର 29 ରନର ଯୋଗଦାନ ଦେଇଛନ୍ତି ।
ଦକ୍ଷିଣ ଆଫ୍ରିକା ପକ୍ଷରୁ ଫର୍ଣ୍ଣନ ଫିଲାଣ୍ଡର, କାଗିଶୋ ରବାଡା, ଆନରିଚ ନର୍ଟଜେ ଓ ଡ୍ବାଇନ ପ୍ରିଟୋରିସ 2ଟି ଲେଖାଏଁ ୱିକେଟ ଅକ୍ତିଆର କରିଛନ୍ତି । କେଶବ ମହାରାଜ ଗୋଟିଏ ୱିକେଟ ହାସଲ କରିଛନ୍ତି । ପ୍ରଥମ ଟେଷ୍ଟରେ ବିଜୟୀ ହୋଇ ଦକ୍ଷିଣ ଆଫ୍ରିକା 1-0ରେ ଆଗୁଆ ରହିଛି ।
