ଜୋହାନ୍ସବର୍ଗ: କୋରୋନା ଭାଇରସ ସଂକ୍ରମଣ ଭୟ କାରଣରୁ ଦକ୍ଷିଣ ଆଫ୍ରିକା କ୍ରିକେଟ ଟିମର ଶ୍ରୀଲଙ୍କା ଗସ୍ତ ସ୍ଥଗିତ ହୋଇଛି । ଏନେଇ କ୍ରିକେଟ ଦକ୍ଷିଣ ଆଫ୍ରିକା ପକ୍ଷରୁ ଘୋଷଣା କରାଯାଇଛି ।
କ୍ରିକେଟ ଦକ୍ଷିଣ ଆଫ୍ରିକା(CSA) ମୁଖ୍ୟ କାର୍ଯ୍ୟନିବାହୀ ଜାକସ ଫଲ ଶ୍ରୀଲଙ୍କା ଗସ୍ତ ସ୍ଥଗିତ ନେଇ ଦୁଃଖ ଜାହିର କରିଛନ୍ତି । ଏଥିସହିତ କ୍ରିକେଟ ଆରମ୍ଭ ହେଲେ ଖୁବ ଶ୍ରୀଘ୍ର ଏହି ଗସ୍ତସୂଚୀ ପୁନର୍ବାର ସ୍ଥିର କରାଯିବ କହିଛନ୍ତି । ତେବେ ଖେଳାଳିଙ୍କ ସୁରକ୍ଷା ଓ ସୁସ୍ଥତାକୁ ଦୃଷ୍ଟିରେ ରଖି ଏହି ନିଷ୍ପତି ନିଆଯାଇଥିବା ସେ କହିଛନ୍ତି ।
ଅଷ୍ଟ୍ରେଲିଆରେ ଖେଳାଯିବାକୁ ଥିବା ଟି-20 ବିଶ୍ବକପ ପାଇଁ ଏହି ଗସ୍ତ ଗୁରୁତ୍ବପୂର୍ଣ୍ଣ ରହିଥିଲା । ଏହି ସିରିଜରେ ନିଜ ଫର୍ମକୁ ଫେରି ପାଇବାକୁ ଅନେକ ଖେଳାଳି ଆଶାବାଦୀ ରହିଥିଲେ ବୋଲି କ୍ରିକେଟ ଦକ୍ଷିଣ ଆଫ୍ରିକା ମୁଖ୍ୟ କାର୍ଯ୍ୟନିବାହୀ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
