ରାଞ୍ଚି: ବିଶ୍ବର ବେଷ୍ଟ ଫିନିସରଙ୍କ ହୋମ ଗ୍ରାଉଣ୍ଡରେ ସିରିଜ ଫିନିଶ୍ କଲା ଟିମ ଇଣ୍ଡିଆ । ଦକ୍ଷିଣ ଆଫ୍ରିକା ବିପକ୍ଷ ଘରୋଇ ସିରିଜକୁ 3-0ରେ ମୂଳପୋଛ କଲା ବିରାଟ ବାହିନୀ । 3ୟ ତଥା ଅନ୍ତିମ ମ୍ୟାଚରେ 202ରନ ଓ ଇଂନିସ ବିଜୟ ହେଲା ଘରୋଇ ଦଳ । ପ୍ରାରମ୍ଭିକ ଟେଷ୍ଟ କ୍ୟାରିଅରରେ ଶତକ ଓ ଦ୍ବିଶତକ ଯୋଡିଥିବା ହିଟମ୍ୟାନଙ୍କୁ ମ୍ୟାନ ଅଫ ଦ ସିରିଜ ମ୍ୟାନ ଅଫ ଦ ମ୍ୟାଚ ଦିଆଯାଇଛି ।
ଏଥି ସହିତ ଆଇସିସି ବିଶ୍ବ ଟେଷ୍ଟ ଚମ୍ପିଆନସିପରେ ଭାରତ ଅନ୍ୟ ଦେଶମାନଙ୍କ ଠାରୁ ବହୁ ଆଗରେ ରହିଛି । 240 ପଏଣ୍ଟ ସହ ପ୍ରଥମ ସ୍ଥାନରେ ଟିମ ଇଣ୍ଡିଆ ରହିଥିବା ବେଳେ 60 ପଏଣ୍ଟ ସହ 2ୟ ଓ 3ୟ ସ୍ଥାନରେ ରହିଛନ୍ତି ନ୍ୟୁଜିଲାଣ୍ଡ ଓ ଅଷ୍ଟ୍ରେଲିଆ । ତେବେ ପ୍ରଥମ ଟେଷ୍ଟକୁ 203ରନ ଓ 2ୟ ଟେଷ୍ଟକୁ 137ରନ ଓ ଇଂନିସ ବିଜୟ ଏବଂ 3ୟ ଟେଷ୍ଟରେ ବି ଇଂନିସ ବିଜୟ ହୋଇଛି ଘରୋଇ ଦଳ ।
ତେବେ ଶେଷ ମ୍ୟାଚରେ ଭାରତର ପ୍ରଥମ ଇଂନିସର 497ରନରେ ଫଲୋଅନ ଖେଳିଥିଲା ଅତିଥି ଦକ୍ଷିଣ ଆଫ୍ରିକା । ପ୍ରଥମ ଦିନରେ ରୋହିତ ଓ ରାହାଣେଙ୍କ ଜଲୱା ପରେ ବାକି 3 ଦିନରେ ବୋଲର ଦେଖାଇଥିଲେ କମାଲ । ଏକାଧିକଥର ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନଙ୍କୁ ଶୂନରେ ପାଭିଲିଅନ ଫଠାଇଥିଲେ । ଅତିଥି ଦଳ ପ୍ରଥମ ଇଂନିସରେ 162ରନରେ ଅଲ ଆଉଟ ହୋଇଥିବା ବେଳେ ଫଲୋଅନ ଇଂନିସରେ 133ରନରେ ଅଲଆଉଟ ହୋଇଛି ।
