ନୂଆଦିଲ୍ଲୀ: 2002 ରୋମାଞ୍ଚକର ନେଟୱେଷ୍ଟ ଫାଇନାଲ ମ୍ୟାାଚକୁ ଏବେବି ଭୁଲି ପାରିନାହାଁନ୍ତି ତତ୍କାଳୀନ ଇଂଲଣ୍ଡ କ୍ୟାପଟେନ ନାସିର ହୁସେନ । ତେବେ ଟିମ ଇଣ୍ଡିଆକୁ ଶକ୍ତିଶାଳୀ କରିଛନ୍ତି ଗାଙ୍ଗୁଲି ବୋଲି କହିଛନ୍ତି ନାସିର ।
ଏହି ମ୍ୟାଚରେ ନାଟକୀୟ ଢଙ୍ଗରେ ଏକ ନିଶ୍ଚିନ୍ତ ବିଜୟ ଆଡକୁ ଅଗ୍ରସର ହେଉଥିବା ଇଂଲଣ୍ଡ ଠାରୁ, ମ୍ୟାଚ ଛଡାଇ ଆଣିଥିଲେ ଯୁବରାଜ ସିଂହ ଓ ମହମ୍ମଦ କୈଫ । ଏହାପରେ ଲର୍ଡ୍ସ ବାଲକେକାନିରେ ଟିସାର୍ଟ ଖୋଲି ତତ୍କାଳୀନ ଭାରତୀୟ କ୍ୟାପଟେନ ତଥା ବର୍ତ୍ତମାନର ବିସିସିଆଇ ସଭାପତି ବିଜୟ ସେଲିବ୍ରେସନ କରିଥିଲେ । ଏହି ମ୍ୟାଚକୁ ନାସିର ହୁସେନ ଦିନିକିଆ କ୍ୟାରିୟରର କଠିନତନ ଓ ଶ୍ରେଷ୍ଠ ମ୍ୟାଚ ବୋଲି କହିଛନ୍ତି ।
ଏହି ମ୍ୟାଚରେ ଭାରତ ସାମ୍ନାରେ 326 ରନର କଷ୍ଟକର ବିଜୟ ଲକ୍ଷ୍ୟ ରହିଥିଲା । ତେବେ ମାତ୍ର 146 ରନରେ ଆଗଧାଡିର ସମସ୍ତ ବ୍ୟାଟ୍ସମ୍ୟାନଙ୍କ ସମେତ 5ୱିକେଟ ହରାଇ ସଙ୍କଟରେ ପଡିଥିଲା ଭାରତୀୟ ଟିମ । ଏହାପରେ ଯୁବରାଜ ଓ କୈଫଙ୍କ ମଧ୍ୟରେ 121 ରନର ପାର୍ଟନରସିପ ହୋଇଥିଲା । ଏହାପରେ ଯୁବରାଜ 69 ରନର ଇଂନିସ ଖେଳି ଆଉଟ ହୋଇଥିଲେ । ମ୍ୟାଚର ଶେଷ ଓଭରରେ 3ଟି ବଲ ବାକି ଥାଇ ଏହି ମ୍ୟାଚରେ ବିଜୟୀ ହୋଇଥିଲା ଭାରତ । ପୂର୍ବରୁ ଇଂଲଣ୍ଡ ପକ୍ଷରୁ 115 ରନର ଶତକୀୟ ଇନିଂସ ଖେଳିଥିଲେ କ୍ୟାପଟେନ ନାସିର ହୁସେନ ।
