ବିଶ୍ବକପ: ବାଦ ପଡିଲେ ଆହତ ଧଓ୍ବନ, ଖେଳିବେ ପନ୍ତ

ବିଶ୍ବକପରୁ ବାଦ ପଡିଲେ ଆହତ ଶିଖର ଧୱନ । ଧୱନଙ୍କ ବିକଳ୍ପ ଭାବେ ଟିମରେ ସ୍ଥାନ ପକ୍କା କଲେ ଋଷଭ ପନ୍ତ । ଅଷ୍ଟ୍ରେଲିଆ ବିପକ୍ଷ ମ୍ୟାଚରେ ଧୱନଙ୍କ ବାମ ହାତର ବୁଢା ଅଙ୍ଗୁଳିରେ ଲାଗିଥିଲା ଆଘାତ ।

ନୂଆଦିଲ୍ଲୀ: କ୍ରିକେଟ ଫ୍ୟାନ୍ସଙ୍କ ପାଇଁ ଇଂଲଣ୍ଡରୁ ଆସିଲା ବଡ ଖବର । ବିଶ୍ବକପରୁ ବାଦ ପଡିଛନ୍ତି ଆହତ ଶିଖର ଧଓ୍ବନ । ତାଙ୍କ ସ୍ଥାନରେ ଋଷଭ ପନ୍ତଙ୍କୁ ଦଳରେ ସ୍ଥାନ ମିଳିଛି । ଧୱନଙ୍କ ବୁଢ଼ା ଆଙ୍ଗୁଠିରେ ଆଘାତ ଲାଗିଥିଲା । ତେବେ ସେ ଶୀଘ୍ର ଠିକ୍ ନହେବା ଆଶଙ୍କା କରି ତାଙ୍କୁ ବିଶ୍ବକପରୁ ବାଦ ଦିଆଯାଇଛି ।

ସୂଚନାଯୋଗ୍ୟ ଯେ, ଅଷ୍ଟ୍ରେଲିଆ ବିପକ୍ଷ ମ୍ୟାଚ ବେଳେ ଧୱନଙ୍କ ବୁଢ଼ା ଆଙ୍ଗୁଠି ଆଘାତ ଲାଗିଥିଲା । ଆହତ ଧୱନଙ୍କୁ ତିନି ସପ୍ତାହ ଆରାମ ଦେବା ପରେ ସେ ଟିମକୁ ଫେରିବା ନେଇ ଆଶା କରାଯାଉଥିଲା । ତେବେ ବୁଧବାର ତାଙ୍କୁ ବିଶ୍ବକପରୁ ବାଦ ଦିଆଯାଇଛି । ପନ୍ତଙ୍କୁ ଟିମରେ ନେବା ପରେ ସେ ଧୱନଙ୍କ ସଫଳ ବିକଳ୍ପ ହୋଇ ପାରୁଛନ୍ତି କି ନାହିଁ ତାହା ଦେଖିବାକୁ ବାକି ରହିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ