କଟକ: ସୁରଟ ଅଭିମୁଖେ ଓଡିଶା ମହିଳା ଦଳ । ଆସନ୍ତା 11 ତାରିଖରୁ ଆରମ୍ଭ ହେବାକୁ ଥିବା ସିନିୟର ମହିଳା କ୍ରିକେଟ ଟୁର୍ଣ୍ଣାମେଣ୍ଟ ପାଇଁ ବୁଧବାର 22 ଜଣିଆ ଦଳ ସୁରଟ ଅଭିମୁଖେ ଯାତ୍ରା କରିଛି । ମଧୁସ୍ମିତା ବେହେରାଙ୍କ ଅଧିନାୟକତ୍ବରେ ଦଳ ଭଲ ପ୍ରଦର୍ଶନ କରିବା ନେଇ ଆଶା ରଖିଛି ଓସିଏ ।
ତେବେ ପ୍ରତିଯୋଗିତାରେ ମୋଟ ପାଞ୍ଚଟି ମ୍ୟାଚ ଖେଳିବ ଓଡିଶା । ପ୍ରଥମ ମ୍ୟାଚରେ ଝାଡଖଣ୍ଡ, ଦ୍ବିତୀୟରେ ହାଇଦ୍ରାବାଦ, ପରେ ତ୍ରିପୁରା, ଛତିଶଗଡ଼ ଓ ଗୁଜୁରାଟକୁ ଭେଟିବ ଓଡିଶା ମହିଳା ଟିମ୍ । 12 ତାରିଖରେ ଓଡିଶା ମହିଳା ଦଳ ତାର ପ୍ରଥମ ମ୍ୟାଚ ଖେଳିବ । ଦଳରେ ଅଭିଜ୍ଞ ଓ ନୂଆ ମୁହଁ ଥିବାବେଳେ ଟିମ୍ ଭଲ ପ୍ରଦର୍ଶନ କରିବ ବୋଲି ସମସ୍ତେ ଆଶା ରଖିଛନ୍ତି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
