ଅହମ୍ମଦାବାଦ: ଆଉ ନାହାନ୍ତି ପ୍ରଥମ ଶ୍ରେଣୀ କ୍ରିକେଟର କମଲେଶ ମକୱାନାଙ୍କ ପିତା ତଥା ସୌରାଷ୍ଟ୍ର କ୍ୟୁରେଟର ରସିକଭାଇ ମକୱାନା । 71 ବର୍ଷ ବୟସରେ ତାଙ୍କର ପରଲୋକ ଘଟିଛି ।
ବର୍ଷ 1980ରୁ ସୌରାଷ୍ଟ୍ର କ୍ରିକେଟ ଆସୋସିଏସନ (SCA) ସହ କାର୍ଯ୍ୟ କରୁଥିଲେ । ତାଙ୍କ ସମୟରେ ଏସସିଏ ଗ୍ରାଉଣ୍ଡରେ ଉତ୍ତମ ପିଚ ତିଆରିରେ ପ୍ରମୁଖ ଭୁମିକା ଗ୍ରହଣ କରୁଥିଲେ । ସୌରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ମଧ୍ୟ ପିଚ୍ ତିଆରିଆରେ ରସିକଭାଇଙ୍କ ପ୍ରମୁଖ ଅବଦାନ ରହିଥିଲା ।
ତାଙ୍କ ମୃତ୍ୟୁରେ ଏସସିଏର ସମସ୍ତ ସଦସ୍ୟ ଗଭୀର ଶୋକବ୍ୟକ୍ତ କରିଛନ୍ତି । ପୂର୍ବତନ ବିସିସିଆଇ ତଥା ଏସସିଏ ସମ୍ପାଦକ ନିରଞ୍ଜନ ଶାହା ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ରସିକଭାଇଙ୍କ ପାଖରେ ଉନ୍ନତ ପିଚ୍ ପ୍ରସ୍ତୁତ କରିବାର ଗଭୀର ଜ୍ଞାନ ଓ ଅଭିଜ୍ଞତା ରହିଥିଲା । ସୌରାଷ୍ଟ୍ର କ୍ରିକେଟ ଗ୍ରାଉଣ୍ଡକୁ ଉନ୍ନତି କରିବାରେ ତାଙ୍କର ଅବଦାନ ଅବିସ୍ମରଣୀୟ ବୋଲି କହିଛନ୍ତି ।
