ସେଞ୍ଚୁରିଆନ: ଇଂଲଣ୍ଡ-ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଉଥିବା ପ୍ରଥମ ଟେଷ୍ଟ ନିର୍ଣ୍ଣାୟକ ସ୍ଥିତିରେ ପହଞ୍ଚିଛି । 376 ରନର ବିଜୟ ଲକ୍ଷ୍ୟକୁ ପିଛା କରି, ଇଂଲଣ୍ଡର ସ୍କୋର 3ୟ ଦିନ ଖେଳ ଶେଷ ସୁଦ୍ଧା 121/1 ରହିଛି । ମ୍ୟାଚର ଶେଷ 2 ଦିନ ବାକିଥିବାବେଳେ ଇଂଲଣ୍ଡ ବିଜୟ ଠାରୁ 255 ଦୂରରେ ରହିଛି । ହାତରେ ମୂଲ୍ୟବାନ 8 ୱିକେଟ ସୁରକ୍ଷିତ ରହିଛି ।
ଇଂଲଣ୍ଡ ପକ୍ଷରୁ ଓପନର ରରି ବର୍ଣ୍ଣସ 11 ଚୌକା ସହାୟତାରେ ଅପରାଜିତ 77 ରନର ଇଂନିସ ଖେଳିଛନ୍ତି । ଜୋ ଡେନଲି 10 ରନ କରି ଅପରାଜିତ ଅଛନ୍ତି । ଡୋମିନିକ ସିବଲେ ଏକ ମାତ୍ର ୱିକେଟ ଭାବେ 29 ରନ କରି ଆଉଟ ହୋଇଛନ୍ତି ।
2ୟ ଇଂନିସରେ ଦକ୍ଷିଣ ଆଫ୍ରିକା 272 ରନରେ ଅଲଆଉଟ ହୋଇଥିଲା । ଫଳରେ ଇଂଲଣ୍ଡ ସାମ୍ନାରେ 376 ରନର ବିଜୟ ଲକ୍ଷ୍ୟ ରହିଥିଲା । ଇଂଲଣ୍ଡ ପକ୍ଷରୁ ଜୋଫ୍ରା ଆର୍ଚର ସର୍ବାଧିକ 5ଟି ୱିକେଟ ଅକ୍ତିଆର କରିଛନ୍ତି । ବେନ ଷ୍ଟୋକ୍ସ 2ଟି, ଆଣ୍ଡରସନ, ବ୍ରଡ, ସାମ କରନ ଗୋଟିଏ ଲେଖାଏଁ ୱିକେଟ ହାସଲ କରିଥିଲେ । ପୂର୍ବରୁ ଇଂଲଣ୍ଡ ପ୍ରଥମ ଇଂନିସରେ 181 ଓ ଦକ୍ଷିଣ ଆଫ୍ରିକା ପ୍ରଥମ ଇଂନିସରେ 284 ରନ କରିଥିଲା ।
