ନୂଆଦିଲ୍ଲୀ: ସ୍ବିଡେନର ଯୁବ ପରିବେଶବିତ ଗ୍ରେଟା ଥନବର୍ଗଙ୍କୁ ହିଟମ୍ୟାନ ରୋହିତ ଶର୍ମାଙ୍କ ପ୍ରଶଂସା । ମିଳିତ ଜାତିସଙ୍ଘ ଜଳବାୟୁ ପରିବର୍ତ୍ତନ ଶିଖର ସମ୍ମିଳନିରେ ଓଜ୍ବସୀ ଭାଷଣ ଦେଇଛନ୍ତି ଗ୍ରେଟା । ଏହାପରେ ସୋସିଆଲ ମିଡିଆରେ ଏହି ଭାଷଣଙ୍କୁ ପ୍ରବଳ ମାତ୍ରାରେ ପସନ୍ଦ କରାଯାଇଛି ।
ଟିମ ଇଣ୍ଡିଆର ଓପନର ହିଟମ୍ୟାନ ରୋହିତ ଶର୍ମା ଗ୍ରେଟାଙ୍କ ଭାଷଣର ଭିଡିଓକୁ ଟ୍ବିଟ କରିଛନ୍ତି । ଜଳବାୟୁ ପରିବର୍ତ୍ତନ ଓ ପାରିପାର୍ଶ୍ବିକ ପାଗକୁ ନେଇ ଉଦବେଗ ପ୍ରକାଶ କରିଛନ୍ତି ଗ୍ରେଟା । ବର୍ତ୍ତମାନର ପୀଢି ଏହାକୁ ଏକ ଗୁରୁ ଦାୟିତ୍ବ ଓ କର୍ତ୍ତବ୍ୟ ଭାବି ଧ୍ୟାନ ଦେବା ଜରୁରୀ ବୋଲି ସେ କହିଛନ୍ତି ।
ଯୁବ ବୟସରେ ମଧ୍ୟ ଗ୍ରେଟାଙ୍କ ଜଳବାୟୁ ପରିବର୍ତ୍ତନ ନେଇ ସତର୍କତାକୁ ରୋହିତ ପ୍ରଶଂସା କରିଛନ୍ତି । ଏଥିସହିତ ଆଜିର ପୀଢି ପାଇଁ ସେ 'ପ୍ରେରଣାର ଉତ୍ସ' ବୋଲି ମଧ୍ୟ ରୋହିତ ଏହି ଯୁବ ପରିବେଶବିତଙ୍କ ଉଦ୍ଦେଶ୍ୟରେ ଲେଖିଛନ୍ତି ।
