କେନ୍ଦୁଝର: ରାଜଧାନୀ ଭୁବନେଶ୍ବର ଓ ସିଲିଭର ସିଟି କଟକରେ ପୂଜା ବୁଲିବା ପରେ ଜନ୍ମମାଟି କେନ୍ଦୁଝରରେ ଦଶହରା ପାଳିବେ ମୁଖ୍ୟମନ୍ତ୍ରୀ । ଆଜି କଟକର ବିଭିନ୍ନ ପୂଜା ମଣ୍ଡପରେ ଦେବୀ ଦୁର୍ଗାଙ୍କ ଆଶୀର୍ବାଦ ଲାଭ କରିବା ପରେ ଅପରାହ୍ନରେ ଗୃହଜିଲ୍ଲା କେନ୍ଦୁଝରକୁ 3ଦିନିଆ ଗସ୍ତରେ ବାହାରିବେ ମୁଖ୍ୟମନ୍ତ୍ରୀ । ଅପରାହ୍ନ 3ଟା ଭୁବନେଶ୍ବର ବିମାନ ବନ୍ଦରରୁ ଚାଟାର୍ଡ ଫ୍ଲାଇଟରେ ଜନ୍ମମାଟି ଅଭିମୁଖେ ବାହାରିବେ ମୋହନ । ଆଜି ସନ୍ଧ୍ୟାରେ ଓ ଆସନ୍ତାକାଲି କେନ୍ଦୁଝରର ବିଭିନ୍ନ ଦୁର୍ଗାପୂଜା ମଣ୍ଡପ ବୁଲିବେ । ନବମୀ ଏବଂ ଦଶମୀରେ ଦୁର୍ଗାପୂଜା ମଣ୍ଡପ ବୁଲିବା ପାଇଁ କେନ୍ଦୁଝରର ବିଭିନ୍ନ ପୂଜା କମିଟି ପକ୍ଷରୁ ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରାଯାଇଛି ।
କେନ୍ଦୁଝର ଗସ୍ତର କାର୍ଯ୍ୟସୂଚୀ ଓ ଆଜିର କାର୍ଯ୍ୟକ୍ରମ:
- ଆଜି(ଶନିବାର) ଅପରାହ୍ନ 3ଟା 50ମିନିଟରେ ଭୁବନେଶ୍ଵରସ୍ଥିତ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ପହଞ୍ଚିବେ ମୁଖ୍ୟମନ୍ତ୍ରୀ
- ଅପରାହ୍ନ 4ଟାରେ ଏକ ଚାଟାର୍ଡ ପ୍ଲେନ ଯୋଗେ କେନ୍ଦୁଝର ଅଭିମୁଖେ ବାହାରିବେ
- ଅପରାହ୍ନ 4ଟା 35ରେ କେନ୍ଦୁଝର ରାଇସୁଆଁ ଏୟାରଷ୍ଟ୍ରିପରେ ଅବତରଣ କରିବ ମୁଖ୍ୟମନ୍ତ୍ରୀଙ୍କ ବିମାନ
- 4ଟା 45 ମିନିଟରେ ସେଠାରୁ ସଡକ ପଥରେ ବାହାରି 5ଟାରେ କେନ୍ଦୁଝର ସର୍କିଟ ହାଉସରେ ପହଞ୍ଚିବେ
- ସନ୍ଧ୍ୟା 6 ଟାରେ ବାଁପାରସ୍ଥିତ ସାଇ ମନ୍ଦିର ଯିବେ
- 6ଟା 30ମିନିଟରେ ନିଉ-କଲୋନୀ ସ୍ଥିତ ଦୁର୍ଗା ମଣ୍ଡପରେ ଅନୁଷ୍ଠିତ ପୂଜାରେ ଯୋଗଦେବେ ମୁଖ୍ୟମନ୍ତ୍ରୀ
- ସନ୍ଧ୍ୟା 7ଟାରେ ଟେଲିଫୋନ ଏକ୍ସଚେଞ୍ଜ ଛକ ପୂଜା ମଣ୍ଡପରେ ପହଞ୍ଚିବେ
- ପରେ ଗୁଜୁରାଟୀ ସମାଜ ପକ୍ଷରୁ ନବରାତ୍ର ଉପଲକ୍ଷେ ବିଭିନ୍ନ କାର୍ଯ୍ୟକ୍ରମରେ ସାମିଲ ହେବେ
- ରାତି 9ଟା 45 ମିନିଟରେ ସର୍କିଟ ହାଉସରେ ରାତ୍ରିଯାପନ କରିବେ ସିଏମ୍
ଆସନ୍ତାକାଲିର କାର୍ଯ୍ୟକ୍ରମ:
ପବିତ୍ର ମହାଷ୍ଟମୀରେ ରସୁଲଗଡ଼ ଦୁର୍ଗା ପୂଜା କମିଟି ଦ୍ଵାରା ଆୟୋଜିତ ପୂଜାରେ ଯୋଗ ଦେଇ ମା'ଙ୍କ ଆଶୀର୍ବାଦ ନେଲି। କମିଟି ଦ୍ଵାରା ଚଳିତ ବର୍ଷ କରାଯାଇଥିବା ଗୁଜରାଟର ଶ୍ରୀ ସ୍ୱାମୀନାରାୟଣ ମନ୍ଦିର ସଦୃଶ୍ୟ ତୋରଣ ଖୁବ ଆକର୍ଷଣୀୟ। pic.twitter.com/rXSHMXV4p9
— Mohan Charan Majhi (@MohanMOdisha) October 11, 2024
- ଆସନ୍ତାକାଲି (ରବିବାର) ସକାଳ 8ଟା 30ରେ ରାଇକଳାସ୍ଥିତ ନିଜ ଘରକୁ ଯିବେ ମୁଖ୍ୟମନ୍ତ୍ରୀ । ସେଠାରେ 12ଟା 5 ମିନିଟ ପର୍ଯ୍ୟନ୍ତ ରହିବେ । 12 ଟା 30ରେ ଝୁମ୍ପୁରା ଦୁର୍ଗାପୂଜା ମଣ୍ଡପରେ ପହଞ୍ଚିବେ, ସେଠାରେ ଅପରାହ୍ନ 3ଟା ପର୍ଯ୍ୟନ୍ତ ରହିବେ
- 3ଟା 30ରେ ସୁନାରିପଶି ଦୁର୍ଗାପୂଜା ମଣ୍ଡପରେ ପହଞ୍ଚିବେ
- 4ଟା 30 ରେ ଉଖୁଣ୍ଡା ଦୁର୍ଗାପୂଜା ମଣ୍ଡପରେ ପହଞ୍ଚିବେ
- ସନ୍ଧ୍ୟା 6ଟାରେ କେନ୍ଦୁଝର ସର୍କିଟ ହାଉସରେ ପହଞ୍ଚି ରାତ୍ରିଯାପନ କରିବେ
ଏହା ମଧ୍ୟ ପଢନ୍ତୁ-ଦୁର୍ଗାଷ୍ଟମୀରେ ପୂଜା ମଣ୍ଡପ ବୁଲିଲେ ମୁଖ୍ୟମନ୍ତ୍ରୀ ମୋହନ ମାଝୀ, ଛାଡ଼ କଲେ ଭଡ଼ା ଏହାମଧ୍ୟ ପଢ଼ନ୍ତୁ- ମାଣିକେଶ୍ବରୀଙ୍କ ଛତର ଯାତ୍ରା, ଗୁପ୍ତ ପୂଜା ପରେ ବାହାରିଲା ମାଆଙ୍କ ଛତର |
ମୁଖ୍ୟମନ୍ତ୍ରୀଙ୍କ ଗସ୍ତର ତୃତୀୟ ଦିନ କାର୍ଯ୍ୟକ୍ରମ:
ଭୁବନେଶ୍ୱର ସ୍ଥିତ ସହିଦନଗର ପୂଜାମଣ୍ଡପରେ ଦୁର୍ଗତିନାସିନୀ ମା' ଦୁର୍ଗାଙ୍କ ଦର୍ଶନ କରି ଆଶୀର୍ବାଦ ନେଲି। #DurgaPuja pic.twitter.com/4Zen20RbQz
— Mohan Charan Majhi (@MohanMOdisha) October 11, 2024
- ସୋମବାର ଦିନ 12ଟା 5ରେ ସର୍କିଟ ହାଉସରୁ ବାହାରି 12ଟା 20ରେ ରାଇସୁଆଁ ଏୟାରଷ୍ଟ୍ରିପରେ ପହଞ୍ଚିବେ ମୁଖ୍ୟମନ୍ତ୍ରୀ
- 12ଟା 30ମିନିଟରେ ରାଇସୁଆଁ ଏୟାରଷ୍ଟ୍ରିପରୁ ଚାଟାର୍ଡ ପ୍ଲେନ ଯୋଗେ ଭୁବନେଶ୍ବର ଅଭିମୁଖେ ଉଡାଣ ଭରିବେ
- ଦିନ 1ଟାରେ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ପହଞ୍ଚିବେ
- ଏହାପରେ ସିଧା ଭୁବନେଶ୍ଵର ୟୁନିଟ-୨ ସ୍ଥିତ ନିଜ ବାସଭବନରେ ପହଞ୍ଚିବେ
ଗୃହଜିଲ୍ଲାରୁ ଆସିଥିଲା ଦଶହରା ନିମନ୍ତ୍ରଣ
ସୂଚନା ଥାଉକି, ନବମୀ ଏବଂ ଦଶମୀରେ ଦୁର୍ଗା ପୂଜା ମଣ୍ଡପ ବୁଲିବା ପାଇଁ କେନ୍ଦୁଝରର ବିଭିନ୍ନ ପୂଜା କମିଟି ପକ୍ଷରୁ ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରାଯାଇଥିଲା । ସେହି ନିମନ୍ତ୍ରଣ ରକ୍ଷା କରି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ବିଭିନ୍ନ ପୂଜା ମଣ୍ଡପ ବୁଲି ମା'ଙ୍କ ଆଶିଷ ନେବା ସହ ଲୋକଙ୍କ ସହ ମିଶିବେ । ଗତକାଲି ମୁଖ୍ୟମନ୍ତ୍ରୀ ରାଜଧାନୀ ଭୁବନେଶ୍ବରର ଏକାଧିକ ପୂଜା ମଣ୍ଡପରେ ମା’ ଜଗତଜନୀନଙ୍କ ଦର୍ଶନ ଓ ପୂଜାର୍ଚ୍ଚନା କରିଥିଲେ ।
ଇଟିଭି ଭାରତ, କେନ୍ଦୁଝର
