ଲଣ୍ଡନ: ଭାରତୀୟ ୱିକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ତଙ୍କୁ ନେଇ ପୂର୍ବତନ ଇଂଲଣ୍ଡ ବ୍ୟାଟ୍ସମ୍ୟାନ ଇଆନ ବେଲ୍ଙ୍କ ବଡ ବୟାନ । ପନ୍ତ ଭାରତୀୟ କ୍ରିକେଟର ଭବିଷ୍ୟତ ବୋଲି କହିଛନ୍ତି ବେଲ୍ । ଇଂଲଣ୍ଡ ବିପକ୍ଷରେ ସଦ୍ୟ ସମାପ୍ତ ହୋଇଥିବା ସିରିଜରେ ପନ୍ତ ଏକାଧିକବାର ଚମତ୍କାର ପ୍ରଦର୍ଶନ କରିଛନ୍ତି ।
ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜରେ ଟିମ ଇଣ୍ଡିଆର ବିଜୟ ହିରୋ ରହିବା ପରେ ସୀମିତ ଓଭର ଟିମକୁ କମବ୍ୟାକ କରିଥିଲେ ପନ୍ତ । ପରେ 4 ନମ୍ବର ସ୍ଥାନରେ ବ୍ୟାଟିଂ ପାଇଁ ଟିମ ମ୍ୟାନେଜମେଣ୍ଟ ନିଷ୍ପତ୍ତି ନେଇଥିଲା ଓ 23 ବର୍ଷୀୟ ପନ୍ତ ନିରାଶ ମଧ୍ୟ କରିନଥିଲେ ।
ଦୁଇଟି ଦିନିକିଆ ମ୍ୟାଚରେ ଅର୍ଦ୍ଧଶତକୀୟ ମ୍ୟାଚ ବିଜୟୀ ଇଂନିସ ଖେଳିଥିଲେ । ରବିବାର ସିରିଜ ନିର୍ଣ୍ଣାୟକ ମ୍ୟାଚରେ 62 ବଲ୍ରୁ 78 ରନର ଧୂଆଁଧାର ଇଂନିସ ଖେଳିଥିଲେ । ଫଳରେ 329 ରନର ବିଜୟ ଲକ୍ଷ୍ୟ ରଖିପାରିଥିଲା ଭାରତ ।
ବ୍ୟୁରୋ ରିପୋର୍ଟ, ଇଟିଭି ଭାରତ
