କଟକ: ରଣଜୀ ଲଢେଇରେ ଓଡିଶାର ଆଉ ଏକ ବୃହତ ବିଜୟ । ଡ୍ରିମ୍ସ ଗ୍ରାଉଣ୍ଡରେ ଖେଳାଯାଇଥିବା ଆସାମ ବିପକ୍ଷ ରଣଜୀ ମ୍ୟାଚରେ ବିଜୟୀ ହୋଇଛି ଓଡିଶା । ଆସାମକୁ ଗୋଟିଏ ଇଂନିସ ଓ 3 ରନରେ ହରାଇଛି ଶୁଭ୍ରାଂଶୁ ସେନାପତିଙ୍କ ଦଳ ।
ପ୍ରଥମ ଇଂନିସରେ 5ଟି ଜବରଦସ୍ତ ଅର୍ଦ୍ଧଶତକୀୟ ଇଂନିସ ବଳରେ 436 ରନ କରିଥିଲା ଓଡିଶା । ତେବେ ବ୍ୟାଟିଂ ପରେ ବୋଲିଂରେ କମାଲ କରିଥିଲେ ଓଡିଶା ବୋଲର । ଆସାମକୁ ପ୍ରଥମ ଇଂନିସରେ 238 ଓ 2ୟ ଇଂନିସରେ 195ରେ ଅଲଆଉଟ କରିଥିଲେ ଓଡିଶା ବୋଲର । ଆସାମ 2ଟି ଇଂନିସରେ ଓଡିଶାର ପ୍ରଥମ ଇଂନିସ ସ୍କୋରକୁ ଟପି ପାରିନଥିଲା । ଫଳରେ ଗୋଟିଏ ଇଂନିସ 3 ରନରେ ବିଜୟୀ ହୋଇଛି ଓଡିଶା ।
ଓଡିଶା ପକ୍ଷରୁ ରାଜେଶ ମହାନ୍ତି ସର୍ବାଧିକ 4 ଟି ୱିକେଟ ଅକ୍ତିଆର କରିଥିଲେ । ଦେଵବ୍ରତ ପ୍ରଧାନ ଓ ସୂର୍ଯ୍ୟକାନ୍ତ ପ୍ରଧାନ 3ଟି ଲେଖାଁଏ ୱିକେଟ ହାସଲ କରି ଓଡିଶାକୁ ବଡ ବିଜୟ ଭେଟି ଦେଇଥିଲେ । ପଞ୍ଚମ ବିଜୟରୁ 34 ପଏଣ୍ଟ ସହ ଏଲିଟ ଗ୍ରୁପ ସିର ପ୍ରଥମ ସ୍ଥାନରେ ପହଞ୍ଚିଛି ଓଡିଶା ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
