କଟକ: ଡ୍ରିମ୍ସ ଗ୍ରାଉଣ୍ଡରେ ଚାଲିଛି ଆସାମ-ଓଡିଶା ରଣଜୀ ଲଢେଇ । ଓଡିଶା ପ୍ରଥମ ଇଂନିସରେ 436 ରନରେ ଅଲଆଉଟ ହୋଇଛି । ଡ୍ରିମ୍ସ ଗ୍ରାଉଣ୍ଡରେ ଓଡିଶାର ଦମଦାର ବ୍ୟାଟିଂ ଦେଖିବାକୁ ମିଳିଛି । ଓଡିଶା ଇଂନିସରେ 5ଟି ଅର୍ଦ୍ଧଶତକୀୟ ଇଂନିସ ଦେଖିବାକୁ ମିଳିଛି ।
ତେବେ ସର୍ବାଧିକ 79 ରନ କରିଛନ୍ତି ଦେବବ୍ରତ ପ୍ରଧାନ । 125 ବଲରୁ 10 ଚୌକା ଓ 2 ଛକା ସହାୟତାରେ 79 ରନର ଦମଦାର ଇନିଂସ ଖେଳିଛନ୍ତି ଦେବବ୍ରତ । ଅଭିଷେକ ରାଉତ 71, ଗୋବିନ୍ଦ ପୋଦ୍ଦାର 58 ରନ କରିଛନ୍ତି । ଦୁଇ ଓପନର ସାନ୍ତନୁ ମିଶ୍ର 66 ଓ ଅନୁରାଗ ଷଡଙ୍ଗୀ 58 ରନ କରି ଆଉଟ ହୋଇଥିଲେ । ଭେଟେରାନ ବିପ୍ଳବ ସାମନ୍ତରାୟ 37 ରନ କରିଥିଲେ । ତେବେ ଶେଷଭାଗରେ ସୂର୍ଯ୍ୟକାନ୍ତ ପ୍ରଧାନ 15 ବଲରୁ 31 ଓ ରାଜେଶ ମହାନ୍ତି 9 ବଲରୁ 12 ରନର ଦ୍ରୁତ ଉନିଂସ ଖେଳିଥିଲେ ।
ଆସାମ ପକ୍ଷରୁ ସର୍ବାଧିକ ଅରୁପ ଦାସ ଓ ରଞ୍ଜିତ ଦାସ 4ଟି ଲେଖାଏଁ ୱିକେଟ ଅକ୍ତିଆର କରିଛନ୍ତି । ପ୍ରିତମ ଦାସଙ୍କୁ 2 ୱିକେଟ ମିଳିଛି ।