କଟକ: ସ୍ଥାନୀୟ ଡ୍ରିମ୍ସ ଗ୍ରାଉଣ୍ଡରେ ପ୍ରଥମ ରଣଜୀ ଟ୍ରଫି ଡ୍ରିମ ନେଇ କ୍ବାର୍ଟର ଖେଳୁଛି ଟିମ ଓଡିଶା । ତେବେ ପ୍ରଥମେ ବ୍ୟାଟିଂ କରି ଭ୍ରମଣକାରୀ ବେଙ୍ଗଲ ଦଳ ଚମତ୍କାର ପ୍ରଦର୍ଶନ କରିଛି । ଦଳ ତାର ପ୍ରଥମ ପାଳିରେ 332ରନରେ ସମସ୍ତ ୱିକେଟ ହରାଇଛି । ତେବେ 2ୟ ଦିନର ଖେଳ ଜାରି ରହିଥିବା ବେଳେ 139ରନରେ ଓଡିଶା ଦୁଇଟି ୱିକେଟ ହରାଇଛି । ଓଡିଶା ପକ୍ଷରୁ ଓପନର ସାନ୍ତନୁ ମିଶ୍ର ଓ ଗୋବିନ୍ଦ ପୋଦ୍ଦାର କ୍ରିଜରେ ଅପରାଜତ ରହିଛନ୍ତି । ତେବେ ଅଭିଜ୍ଞ ଦେବାଶିଷ ସାମନ୍ତରାୟ 68 ରନର ଇଂନିସ ଖେଳିଛନ୍ତି ।
ତେବେ ପ୍ରଥମ ଦିନ ଖେଳ ଶେଷ ସୁଦ୍ଧା 6 ଓ୍ବିକେଟ ହରାଇ 308ରନ୍ କରିଥିଲା ବେଙ୍ଗଲ । ବେଙ୍ଗଲ ଦଳର ଅନୁସ୍ତୁପ ମଜୁମଦାର(157) ଓ ଶହାବାଜ ଅହମ୍ମଦ(87) ଦମଦାର ପ୍ରଦର୍ଶନ କରିଥିଲେ । ଓଡିଶା ପକ୍ଷରୁ ସୂର୍ଯ୍ୟକାନ୍ତ 3ଟି ଓ କନଓ୍ବାର ସିଙ୍ଗ ଚୌହାନ 2ଟି ଓ୍ବିକେଟ ନେଇଛନ୍ତି । ସେହିପରି ବସନ୍ତ ମହାନ୍ତି 4ଟି ଓ ଦେବବ୍ରତ ଗୋଟିଏ ଗୋଟିଏ ଲେଖାଏଁ ଓ୍ବିକେଟ ଅକ୍ତିଆର କରିଛନ୍ତି ।
