ଦୁବାଇ: ୟୁଏଇରେ କ୍ରିକେଟ ଏକାଡେମୀ ଲଞ୍ଚ କରିବ ଇଣ୍ଡିଆନ ପ୍ରିମିୟର ଲିଗ ଫ୍ରାଞ୍ଚାଇଜ ରାଜସ୍ଥାନ ରୟାଲ୍ସ । ଏଥିପାଇଁ ଅକ୍ଟୋବର 12 ଦିନଧାର୍ଯ୍ୟ ହୋଇଥିବା ଜଣାପଡିଛି ।
ମଧ୍ୟପୂର୍ବରେ ଏହା ଫ୍ରାଞ୍ଚାଇଜର ପ୍ରଥମ ଏକାଡେମୀ । ଏଥିସହିତ ପ୍ରଥମ ଆଇପିଏଲ ଫ୍ରାଞ୍ଚାଇଜ ଭାବେ ୟୁଏଇରେ ଏକାଡେମୀ ଆରମ୍ଭ କରିବ ରାଜସ୍ଥାନ ରୟାଲ୍ସ । ୟୁଏଇ ଅବସ୍ଥାପିତ ସ୍ପୋର୍ଟସ ପରିଚାଳନା ଫାର୍ମ ସହ ରାଜସ୍ଥାନ ଅନୁବନ୍ଧିତ ହୋଇଛି ।
6ରୁ 19 ବର୍ଷ ବୟସ ମଧ୍ୟରେ ପୁଅ ଓ ଝିଅ, ଏଠାରେ ଥିବା ବିଶ୍ବସ୍ତରୀୟ କୋଚିଂ ସୁବିଧାର ଲାଭ ଉଠାଇପାରିବେ । ଜିମ୍ବାୱେର ପୂର୍ବତନ କ୍ୟାପଟେନ ଗ୍ରିମ କ୍ରେମର ଏକାଡେମୀ ନିର୍ଦ୍ଦେଶକ ଭାବେ ପରାମର୍ଶଦାତା ଭାବେ କାର୍ଯ୍ୟ କରିବେ । ଏକାଡେମୀରେ 7ଟି ଷ୍ଟାଡିୟମ ସୁବିଧା ରହିଛି । ଏମିରେଟସ ଏୟାରଲାଇ ରଗବି ଆୟୋଜନ ପାଇଁ ଏହି ସ୍ଥାନ ପ୍ରଖ୍ୟାତ ।
ବ୍ୟୁରୋ ରିପୋର୍ଟ, ଇଟିଭି ଭାରତ
