ଇନ୍ଦୋର: ଟିମ୍ ଇଣ୍ଡିଆର ଅନୁଭବୀ ତଥା ଷ୍ଟାର ସ୍ପିନର ରବିଚନ୍ଦ୍ରନ ଅଶ୍ବିନଙ୍କ ନାଁରେ ଯୋଡି ହୋଇଯାଇଛି ଆଉ ଏକ କୀର୍ତ୍ତୀମାନ । ଆଜି ଭାରତ-ବାଂଲାଦେଶ ମଧ୍ୟରେ ଇନ୍ଦୋର ଷ୍ଟାଡିୟମରେ ପ୍ରଥମ ଟେଷ୍ଟ ମ୍ୟାଚ ଚାଲିଛି । ପ୍ରଥମ ଇଂନିସରେ ଗୋଟିଏ ଓ୍ବିକେଟ ନେଇ କୁମ୍ବଲେଙ୍କ କ୍ଲବରେ ସାମିଲ ହୋଇଯାଇଛନ୍ତି ଅଶ୍ବିନ।
ବିଶ୍ବ ଟେଷ୍ଟ ଚମ୍ପିଆନସିପର ଅନ୍ତର୍ଗତ ଭାରତ-ବାଂଲାଦେଶ ଟେଷ୍ଟ ମ୍ୟାଚରେ ଅଶ୍ବିନ ଘରୋଇ ଗ୍ରାଉଣ୍ଡରେ 250ଟି ଓ୍ବିକେଟ ନେଇ 3ୟ ଭାରତୀୟ କ୍ରିକେଟର ହୋଇଯାଇଛନ୍ତି । ଏହି କ୍ଲବରେ ମହାନ କ୍ରିକେଟର ଅନୀଲ କୁମ୍ବଲେ 350 ଓ୍ବିକେଟ ନେଇ ପ୍ରଥମ ସ୍ଥାନରେ ରହିଛନ୍ତି । ତାଙ୍କ ପଛକୁ ହରଭଜନ ସିଂ 265 ଓ୍ବିକେଟ ହାସଲ କରିଛନ୍ତି ।
ଏଥିସହ ଶ୍ରାଲଙ୍କାର କିମ୍ବଦନ୍ତୀ ବୋଲର ମୁରଲୀଧରନଙ୍କ ସହ ସମକ୍ଷକ ହୋଇଯାଇଛନ୍ତି । ମୁରଲୀଧରନ 42ତମଟେଷ୍ଟ ମ୍ୟାଚରେ ନିଜର ହୋମ ଗ୍ରାଉଣ୍ଡରେ ଦ୍ରୁତତମ 250 ଓ୍ବିକେଟ ହାସଲ କରିଥିଲେ । ଆଜି ଆର ଅଶ୍ବିନ ନିଜର ଟେଷ୍ଟ କ୍ୟାରିଅରରେ 42ତମ ମ୍ୟାଚରେ 250 ଓ୍ବିକେଟ ହାସଲ କରିଛନ୍ତି ।
