କରାଚୀ: ପାକିସ୍ତାନ ସୁପର ଲିଗରେ କୋରାେନା । ସ୍ପିନର ଫୱାଦ ଅହମ୍ମଦ କୋଭିଡ-19 ପଜିଟିଭ ଚିହ୍ନଟ ହେବାପରେ ଇସଲାମାବାଦ ୟୁନାଇଟେଡ ଓ କ୍ବେଟା ଗ୍ଳାଡିଏଟରସ ମ୍ୟାଚ ମଙ୍ଗଳବାରକୁ ପୁନଃ ଧାର୍ଯ୍ୟ ହୋଇଛି ।
ଫୱାଦଙ୍କ ଠାରେ ଲକ୍ଷଣ ଦେଖାଯିବାପରେ, ଦୁଇଦିନ ପାଇଁ ଆଇସୋଲେସନ ଥିଲେ ବୋଲି ଇସଲାମାବାଦ ୟୁନାଇଟେଡ ପକ୍ଷରୁ ସୂଚନା ଦିଆଯାଇଛି । ତେବେ ଟିମର ଅନ୍ୟ ସଦସ୍ୟଙ୍କ ଟେଷ୍ଟ ରିପୋର୍ଟ ନେଗେଟିଭ ରହିଥିଲା ।
ପାକିସ୍ତାନ ସୁପର ଲିଗର ମ୍ୟାଚ ସୋମବାର ସନ୍ଧ୍ୟା 7.30ରେ ହେବାନେଇ ସୂଚୀ ରହିଥିଲା । ପରେ ମ୍ୟାଚ ଆରମ୍ଭ ସମୟରେ ଦୁଇଘଣ୍ଟା ବିଳମ୍ବ କରାଯାଇଥିଲା । ମାତ୍ର ପରଦିନ ଅର୍ଥାତ ମଙ୍ଗଳବାରକୁ ମ୍ୟାଚ ସ୍ଥଗିତ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
