ଇସଲାମାବାଦ: ପାକିସ୍ତାନ ଫାଷ୍ଟ ବୋଲର ନସୀମ ଶାହଙ୍କ ନୂଆ ରେକର୍ଡ । ଟେଷ୍ଟ କ୍ରିକେଟରେ ହାଟ୍ରିକ ହାସଲ କରିବାରେ ସର୍ବକନିଷ୍ଠ ଖେଳାଳି ହୋଇଛନ୍ତି ନସୀମ ।
ବାଂଲାଦେଶ ବିପକ୍ଷ ରାୱଲପିଣ୍ଡି ଟେଷ୍ଟରେ ଏହି କମାଲ କରିଛନ୍ତି 16 ବର୍ଷିୟ ନସୀମ । ବାଂଲାଦେଶ ବିପକ୍ଷ ପ୍ରଥମ ଟେଷ୍ଟର 3ୟ ଦିନରେ ନଜମୁଲ ହୁସେନ, ତାଇଜୁଲ ଇସଲାମ ଓ ମହମ୍ମଦୁଲ୍ଲାଙ୍କୁ ଆଉଟ କରି ହାଟ୍ରିକ ୱିକେଟ ହାସଲ କରିଛନ୍ତି ନସୀମ ।
ଏହି ରେକର୍ଡ ପୂର୍ବରୁ ବାଂଲାଦେଶ ଲେଗ ସ୍ପିନର ଆଲୋକ କପାଲିଙ୍କ ନାମରେ ରହିଥିଲା । 19 ବର୍ଷ ବୟସରେ ବର୍ଷ 2003ରେ ପାକିସ୍ତାନ ବିପକ୍ଷ ପେସୱାର ଟେଷ୍ଟରେ, ହାଟ୍ରିକ ହାସଲ କରିଥିଲେ କପାଲି । ପାକିସ୍ତାନ ପକ୍ଷରୁ ପୂର୍ବରୁ ବର୍ଷ2002ରେ ଶ୍ରୀଲଙ୍କା ବିପକ୍ଷରେ ହାଟ୍ରିକ ୱିକେଟ ଅକ୍ତିଆର କରିଥିଲେ ମହମ୍ମଦ ସାମି ।
