ଲାହୋର: କୋରୋନା ଭାଇରସ ସଂକ୍ରମଣ ଭୟ ଯୋଗୁଁ ପ୍ରଭାବିତ ହୋଇଛି ଆଉ ଏକ କ୍ରିକେଟ ସିରଜ । ପାକିସ୍ତାନ କ୍ରିକେଟ ବୋର୍ଡ(PCB) ପାକିସ୍ତାନ କ୍ରିକେଟ ଟିମର ଆଗାମୀ ନେଦରଲାଣ୍ଡ ଗସ୍ତ ସ୍ଥଗିତ ଘୋଷଣାା କରିଛି ।
ନେଦରଲାଣ୍ଡ ସରକାର ଦେଶରେ କ୍ରୀଡା, ସାଂସ୍କୃତିକ, ଓ ଅନ୍ୟ ସମସ୍ତ ପ୍ରକାର ଇଭେଣ୍ଟକୁ ନିଷେଧ ଘୋଷଣା କରିଛନ୍ତି । ଫଳରେ ନେଦରଲାଣ୍ଡ କ୍ରିକେଟ ବୋର୍ଡ ସହ ସହମତି ପରେ, ପିସିବି ପକ୍ଷରୁ ଦ୍ବିପାକ୍ଷିକ ସିରଜକୁ ସ୍ଥଗିତ ଘୋଷଣା କରାଯାଇଛି । ଏହି ଗସ୍ତରେ 4 ଜୁଲାଇରୁ 7 ଜୁଲାଇ ପର୍ଯ୍ୟୟନ୍ତ ନେଦରଲାଣ୍ଡ ବିପକ୍ଷରେ ପାକିସ୍ତାନ ଟିମ 3ଟି ଦିନିକିଆ ମ୍ୟାଚ ଖେଳିବା ନେଇ ସୂଚୀ ରହିଥିଲା ।
ପୂର୍ବରୁ ପାକିସ୍ତାନର ବାଂଲାଦେଶ ବିପକ୍ଷ ଟେଷ୍ଟ ଓ ଦିନିକିଆ ସିରିଜ ସ୍ଥଗିତ ହୋଇଛି । ପାକିସ୍ତାନ ସୁପର ଲିଗର ସେମିଫାଇନାଲ ଓ ଫାଇନାଲ ମ୍ୟାଚ ମଧ୍ୟ କୋରୋନା ଭାଇରସ କାରଣରୁ ସ୍ଥଗିତ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
