କଟକ: ଫାଇନାଲରେ ଓଡିଶା ଦୃଷ୍ଟିହୀନ ମହିଳା ଦଳ । ଦିଲ୍ଲୀରେ ଚାଲିଥିବା ଜାତୀୟ ସମରଥନମ କ୍ରିକେଟ ପ୍ରତିଯୋଗିତାରେ ମହାରାଷ୍ଟ୍ରକୁ ୧୧୦ ରନରେ ପରାସ୍ତ କରିଛି ଓଡିଶା । ଏହି ବିଜୟ ସହ ଫାଇନାଲରେ ପ୍ରବେଶ କରିଛି ଟିମ ଓଡିଶା ।
ଟସ ହାରି ବ୍ୟାଟିଂ ଆମନ୍ତ୍ରଣ ପାଇ ନିର୍ଦ୍ଧାରିତ 20 ଓଭରରେ ବୃହତ 242 ରନ ସଂଗ୍ରହ କରିଥିଲା ଓଡିଶା । ଦଳ ପକ୍ଷରୁ ପୁନି ମୂର୍ତ୍ତି ସର୍ବାଧିକ 89 ରନ କରିଥିଲା ବେଳେ ବାସନ୍ତୀ ହାଁସଦା 71 ରନ କରିଥିଲେ ।
ଜବାବରେ ଧାର୍ଯ୍ୟ ଲକ୍ଷ୍ୟକୁ ପିଛା କରିବାକୁ ଯାଇ ଦୁଇ ୱିକେଟ ହରାଇ ମାତ୍ର 132 ରନ ହିଁ କରିବାକୁ ସକ୍ଷମ ହୋଇଥିଲା ମହାରାଷ୍ଟ୍ର । ଫାଇନାଲରେ କର୍ଣ୍ଣାଟକକୁ ଭେଟିବ ଓଡିଶା ।
କଟକରୁ ପ୍ରଭୁକଲ୍ୟାଣ ପାଲ,ଇଟିଭି ଭାରତ
